Մեսրոպ Մեսրոպյանն առաջադրվեց ՀԾԿՀ նախագահի թեկնածու․ ՏԵՍԱՆՅՈՒԹ

Կառավարության նիստում Հայաստանի Հանրապետության հանրային ծառայությունները կարգավորող հանձնաժողովի նախագահի պաշտոնում Արայիկ Հարությունյանն առաջարկեց Մեսրոպ Մեսրոպյանի թեկնածությունը։

Մեսրոպյանն իր խոսքում շնորհակալություն հայտնեց վստահության համար.

«Հավաստիացնում եմ, որ Ազգային ժողովի կողմից հավանության արժանանալուց հետո և այդ պաշտոնում նշանակվելու դեպքում, իմ ամբողջ մասնագիտական գիտելիքները և աշխատանքային փորձը ներդնելու եմ հանձնաժողովի բնականոն աշխատանքը կազմակերպելու, ինչպես նաև ոլորտում առկա խնդիրներին արդյունավետ լուծումներ տալու համար»:

Մհեր Գրիգորյանը հետաքրքրվեց, թե վերջին շրջանի ակտուալ խնդիրների հետ կապված պոտենցիալ լուծումների մասով Մեսրոպ Մեսրոպյանն ի՞նչ կարծիք ունի:

«Նկատի ունեմ՝ երկու կարևորագույն հարցը, որոնք պարբերաբար քննարկվում են նաև հանրային տիրույթում: Այսինքն՝ հանձնաժողովի սուբյեկտ հանդիսացող կառույցների կողմից գնումների գործընթացի կազմակերպումն է, և նաև որակի խնդիրը, որովհետև իրականության մեջ կա կարծիք, որ այն ֆունկցիոնալ դիզայնը, որ այսօր գոյություն ունի, բավարար չի, որպեսզի որակ ապահովելու գործառույթը լիարժեք իրականացվի, նաև գնումների գործընթացը բավարար թափանցիկ լինի: Ի՞նչ կարծիքի եք, ի՞նչ է անհրաժեշտ անել»,- մանրամասնեց փոխվարչապետը:

Մեսրոպյանը նշեց՝ որակի ցուցանիշները բարձրացնելու հետ կապված, իր կարծիքով, անելիք կա կատարված ներդրումների արդյունավետությունը հասկանալու համար:

Մանրամասները՝ տեսանյութում։