15.12.2025 | 17:03
Ամեն նոր ծնված երեխային՝ 500 հազար դրամ. ԱԺ հանձնաժողովում քնարկում են առաջարկվող փոփոխությունը. ՏԵՍԱՆՅՈՒԹ
«Շահեդների» հարձակման հետևանքով Կիևում գիշերը 3 հրդեհ է գրանցվել
Քաղաքականություն
07.11.2024 | 11:11
Կիևում անցած գիշերվա ընթացքում ԱԹՍ-ների գրոհի հետևանքով երրորդ հրդեհն է բռնկվել։ Այս մասին BBC-ի ռուսական ծառայության փոխանցմամբ՝ հայտնել է մայրաքաղաքի քաղաքապետը։
Կիևի քաղաքացիական վարչակազմի տելեգրամյան ալիքը քաղաքապետ Վիտալի Կլիչկոյին հղումով հայտնում է, որ գրոհը հետ մղելու ընթացքում հրդեհվել է չբնակեցված տարածք։
Բացի այդ, մայրաքաղաքի Սոլոմյանսկի շրջանում անօդաչու թռչող սարքի բեկորները, նախնական տվյալներով ընկել են բնակելի տան վրա։
Մինչ այդ, գիշերվա ընթացքում Կիևի իշխանությունները հայտնել են ԱԹՍ-ների անկման հետևանքով երկու հրդեհի մասին։
Նման հաղորդումներ են ստացվել նաև Օդեսայից։
«Շահեդների» գրոհը շարունակվում է․ ինչպես զգուշացնում են իշխանությունները, Կիևին հյուսիսից մոտենում են նոր անօդաչուներ։ Օդային տագնապի ռեժիմը գործում է, ոչ միայն Կիևի շրջանում, այլ նաև Չեռնիգովի, Սումիի և Խարկովի մարզերում։
Թարգմանությունը՝ Տաթև Ֆռանգյանի
