30.04.2026 | 22:58
«Նուբարաշեն-Արին-Բերդ» ջրատարի վթարման հետևանքով Երևանի և Արարատի մարզի մի շարք հասցեներում 21 ժամ ջուր չի լինի
Հարիսն ընդունել է պարտությունն ու հայտարարել, որ իր թիմը կօգնի Թրամփին՝ ապահովելու «իշխանության խաղաղ փոխանցումը»
Քաղաքականություն
07.11.2024 | 10:52
Դեմոկրատական կուսակցության թեկնածու, ԱՄՆ փոխնախագահ Քամալա Հարիսն ընտրություններում պարտվելուց հետո առաջին հրապարակային ելույթն է ունեցել։ Նա հայտարարել է, որ իր թիմը կաջակցի Թրամփին և կապահովի «իշխանության խաղաղ փոխանցումը»: Դիմելով Վաշինգտոնի Հովարդի համալսարանում հավաքված իր կողմնակիցներին՝ Հարիսն ասել է, որ «պետք է ընդունել» ընտրությունների արդյունքները, գրում է VOA-ն:
«Ամերիկյան ժողովրդավարության սկզբունքն այն է, որ երբ մենք պարտվում ենք ընտրություններում, ընդունում ենք արդյունքները: Այս սկզբունքը, ինչպես ցանկացած այլ սկզբունք, տարբերում է ժողովրդավարությունը միապետությունից կամ բռնապետությունից, և յուրաքանչյուրը, ով ձգտում է հասարակության վստահությանը, պետք է հարգի այն»,- ասել է նա:
Հարիսն ասել է, որ Բայդենի վարչակազմը հավատարիմ է օգնելու նորընտիր նախագահ Դոնալդ Թրամփին ու նրա թիմին անցումային փուլում և ապահովելու է իշխանության խաղաղ անցում:
«Այս ընտրությունների արդյունքնը այն չէ, ինչ մենք ուզում էինք, այն չէ, ինչի համար մենք պայքարեցինք, այն չէ, ինչի համար մենք քվեարկեցինք: Բայց Ամերիկային տված խոստման լույսը միշտ վառ կլինի»,- հայտարարել է Հարիսը։
ԱՄՆ փոխնախագահը շնորհակալություն է հայտնել իր նախընտրական շտաբին, առաջադրված փոխնախագահի թեկնածու Թիմ Ուոլցին և ԱՄՆ գործող նախագահ Ջո Բայդենին քարոզարշավում ցուցաբերած օգնության և աջակցության համար, նա վստահեցրել, որ շարունակելու է պայքարել հանուն ժողովրդավարության և ամերիկյան ժողովրդավարության արժեքների։
Ավելի վաղ Քամալա Հարիսը նաև զանգահարել էր հանրապետական թեկնածու Դոնալդ Թրամփին և շնորհավորել հաղթանակի կապակցությամբ։
Թարգմանությունը՝ Տաթև Ֆռանգյանի
