05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Ադրբեջանը կշարունակի քայլերը Հարավային Կովկասում խաղաղության և անվտանգության ուղղությամբ․ Ալիևը շնորհավորել է Թրամփին
Քաղաքականություն
06.11.2024 | 15:04
Ադրբեջանի նախագահ Իլհամ Ալիևը շնորհավորական նամակ է հղել Դոնալդ Թրամփին ԱՄՆ նախագահի պաշտոնում ընտրվելու կապակցությամբ։
«Սրտանց շնորհավորում եմ ձեզ ԱՄՆ նախագահի պաշտոնում վերընտրվելու կապակցությամբ։ Ընտրություններում Ձեր վստահ հաղթանակը բարեկամ ամերիկյան ժողովրդի մեծ աջակցության և վստահության ակնհայտ արտահայտությունն է անձամբ Ձեր և Ձեր քաղաքական գծի նկատմամբ։ Ադրբեջանը հատուկ նշանակություն է տալիս ԱՄՆ-ի հետ իր հարաբերությունների համակողմանի զարգացմանը»,- ասվում է նամակում։
Ալիևն ընդգծել է, որ «Թրամփն իր առաջին նախագահական ժամկետում մեծ ուշադրություն է դարձրել Ադրբեջանի և Միացյալ Նահանգների միջև բարեկամական և համագործակցային հարաբերությունների ամրապնդմանն ու համագործակցության շարունակական և հետևողական զարգացմանը»։
«Մենք կարծում ենք, որ Ձեր նախագահության նոր շրջանի ընթացքում Ադրբեջանի և ԱՄՆ-ի հարաբերություններն է՛լ ավելի կամրապնդվեն և կսահմանվեն համագործակցության նոր ոլորտներ։ Ադրբեջանը կշարունակի իր գործունեությունը Հարավային Կովկասում խաղաղության և անվտանգության ամրապնդման ուղղությամբ։ Վստահ եմ, որ մենք կշարունակենք համատեղ ջանքեր գործադրել՝ ամրապնդելու Ադրբեջան-ԱՄՆ բարեկամական հարաբերությունները, առաջ մղելու մեր գործընկերությունը՝ հիմնված մեր երկրների ազգային շահերի, այդ թվում՝ ազգային անվտանգության շահերի վրա»,-հայտարարել է Իլհամ Ալիևը։
Թարգմանությունը՝ Էմմա Չոբանյանի
