11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Դատարկ աթոռներ, դես ու դեն նետված շշեր և ԱՄՆ դրոշներ․ Հարիսն այսօր ելույթ չի ունենա իր կողմնակիցների առջև
Քաղաքականություն
06.11.2024 | 15:10
Դեմոկրատական կուսակցությունից ԱՄՆ նախագահի թեկնածու Քամալա Հարիսը Հովարդի համալսարանում միջոցառմանը չի դիմի կողմնակիցներին, քանի որ ընտրությունների արդյունքները շարունակվում են ստացվել երկրի տարբեր ծայրերից և դրանք պետք է հաշվվեն: Այս մասին հայտարարել է Հարիսի քարոզարշավի ներկայացուցիչ Սեդրիկ Ռիչմոնդը, փոխանցում է NBC News-ը։
Սպասվում է, որ Հարիսը ելույթ կունենա հինգշաբթի՝ նոյեմբերի 7-ին, հավելել է նա:
«Մենք դեռ ձայներ ունենք հաշվելու: Դեռ ունենք նահանգներ, որոնց մասին չի հայտարարվել»,- ասել է Ռիչմոնդը:
Լրատվամիջոցների տեղեկություններով՝ Հարիսը հաղթում է Վիրջինիայում, Նյու Մեքսիկոյում, Օրեգոնում, Նյու Հեմփշիրում, Վաշինգտոնում և Հավայան կղզիներում։
BBC-ի ռուսական ծառայության հաղորդմամբ էլ՝ երբ հասկանալի է դարձել, որ Հարիսը ելույթ չի ունենալու իր կողմնակիցների առջև, հիասթափված մարդիկ ցրվել են իրենց տներով։ Երեկույթի վայրում մնացել են միայն «դատարկ աթոռներ, դես ու դեն նետված շշեր և ԱՄՆ դրոշներ»։
Թարգմանությունը՝ Տաթև Ֆռանգյանի
