08.10.2026 | 18:19
Միրզոյանն ու Ղազախստանի ԱԳ նախարարը քննարկել են տարածաշրջանային փոխկապակցվածությունն ու խաղաղության ջանքերը
Պուտինը չի պատրաստվում շնորհավորել Թրամփին ընտրություններում հաղթանակի կապակցությամբ
Քաղաքականություն
06.11.2024 | 15:38
ՌԴ նախագահ Վլադիմիր Պուտինը չի ծրագրում շնորհավորել հանրապետական Դոնալդ Թրամփին ԱՄՆ նախագահական ընտրություններում հաղթանակի կապակցությամբ։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Ինձ հայտնի չէ Թրամփին ընտրությունների կապակցությամբ շնորհավորելու՝ նախագահի պլանների մասին։ Եկեք չմոռանանք, որ խոսքը ոչ բարեկամական երկրի մասին է, որն ուղղակի ու անուղղակի ներգրավված է մեր պետության դեմ պատերազմի մեջ»,- հայտարարել է Պեսկովը։
Կրեմլի խոսնակին հարցրել են նաև՝ արդյո՞ք Պուտինը պատրաստ է հեռախոսազրույցի Դոնալդ Թրամփի հետ ընտրություններում հաղթանակից հետո։
«Դա մեզ չպետք է հարցնել։ Հիշեցնում եմ ձեզ Պուտինի խոսքերը, նրա բաց լինելը շփումների և երկխոսության համար։ Դա մեր հետևողական դիրքորոշումն է, այն լավ հայտնի է աշխարհում։ Մնացածի համար սպասենք որևէ կոնկրետ գործողությունների»,- ասել է Կրեմլի խոսնակը։
Թարգմանությունը՝ Էմմա Չոբանյանի
