23.12.2024 | 23:19
Ադրբեջանում ավելի քան 300 քաղբանտարկյալ կա․ ԱՄՆ դեսպանատունն արձագանքել է Բաքվի մեղադրանքներին
Հուսով ենք՝ Ադրբեջանի ձեռքբերումները կամրապնդվեն խաղաղության պայմանագրի ստորագրմամբ․ Էրդողան
Քաղաքականություն
06.11.2024 | 13:30
Բիշքեկում Թուրքական պետությունների կազմակերպության անդամ երկրների ղեկավարների 11-րդ գագաթնաժողովում Թուրքիայի նախագահ Ռեջեփ Թայիփ Էրդողանն իր ելույթում խոսել է նաև Հայաստանի և Ադրբեջանի խաղաղության պայմանագրից, հաղորդում է TRT Haber-ը։
«Մենք հուսով ենք, որ այն պատմական ձեռքբերումները, որ ունի Ադրբեջանը, կամրապնդվեն բանակցությունների սեղանի շուրջ՝ խաղաղության պայմանագրի ստորագրմամբ»,- ասել է Էրդողանը։
Անդրադառնալով չճանաչված Հյուսիսային Կիպրոսին՝ նա նշել է, որ երկրի ներկայությունն այս գագաթնաժողովում՝ որպես պատվավոր հյուր, կազմակերպության համերաշխության կամքի դրսևորումն է։
«Ակնկալում ենք, որ նրանք շուտով կդառնան լիարժեք անդամ։ Թուրքական աշխարհը պատասխանատվություն է կրում Կիպրոսի խնդրի արդար լուծման համար։ Մենք նաև աջակցում ենք Ուկրաինայում կայուն և արդար խաղաղությանը»,- նշել է Թուրքիայի նախագահը։
Էրդողանի հայտնել է նաև՝ ընդհանուր այբուբենի ստեղծման աշխատանքները 2024 թվականի սեպտեմբերին ավարտվել են։
«Մեր ընդհանուր այբուբենը նույնպես նշան է, որ միասին ենք կառուցում ապագան: Այսուհետ անդամ երկրները պետք է իրականացնեն անհրաժեշտ վերափոխումը՝ հիմնվելով այս այբուբենի վրա։ Մենք միասին աշխատելու ենք թուրքական աշխարհի հարյուրամյակի համար»,- ասել է Էրդողանը։
Թարգմանությունը՝ Էմմա Չոբանյանի
