15.12.2025 | 11:22
Ծիծեռնակաբերդի խճուղու հիմնական փլուզված հատվածը վերականգնվել է․ քաղաքապետարանի պաշտոնյա. ՏԵՍԱՆՅՈՒԹ
ՌԴ-ում ՀՀ դեսպանը հայտարարել է, որ հայ գերիների ազատ արձակումը կնպաստի Բաքվի հետ հաշտեցմանը
Քաղաքականություն
05.11.2024 | 18:16
Ադրբեջանում պահվող հայ գերիների ազատ արձակումը մեծապես կօգնի Երևանի և Բաքվի հաշտեցմանը։ Այս մասին հայտարարել է ՌԴ-ում Հայաստանի դեսպան Գուրգեն Արսենյանը հավատարմագրերի հանձնման արարողության ժամանակ։
«Նման քայլը մեծապես կօգնի հաշտեցմանը»,- նշել է նա՝ հավելելով, որ գերիների ազատ արձակման հետ կապված մնացած հարցերը պետք է ուղղվեն ադրբեջանական կողմին։
Արսենյանը նաև նշել է, որ եթե Երևանն ու Բաքուն գնում են խաղաղության պայմանագիր կնքելուն և պատրաստվում են «ամբողջ աշխարհին հայտարարել, որ երկու պետությունները, երկու ժողովուրդներն ապրելու են խաղաղության և համագործակցության մեջ», ապա պետք է սկսել քայլերից, որոնք «պետք է գնահատել»։
Միաժամանակ, նա հրաժարվել է մեկնաբանել Ադրբեջանում կանալքի տակ պահվող Արցախի նախկին պետնախարար Ռուբեն Վարդանյանի վերաբերյալ առանձին հարցը՝ նշելով, որ Երևանի համար Հայաստանի քաղաքացիների միջև տարբերություն չկա։
Թարգմանությունը՝ Էմմա Չոբանյանի
