06.10.2026 | 19:15
Ալեն Սիմոնյանն ու Ֆրանսիայի դեսպանը քննարկել են Հայաստան-ԵՄ փոխգործակցությունն ու տարածաշրջանային հարցերը
ԱՄՆ-ում ընտրատեղամասի աշխատակցին ձերբակալել են՝ ընտրողներին պայթեցնելու սպառնալիքներ ուղարկելու համար
Քաղաքականություն
05.11.2024 | 16:33
ԱՄՆ-ում Ջորջիա նահանգի տեղամասերից մեկի աշխատակցին ձերբակալել են՝ ընտրողներին պայթեցնելու սպառնալիքներ ուղարկելու համար: Այս մասին հայտնում է Reuters-ը։
Դաշնային դատախազների համաձայն՝ 25-ամյա Նիկոլաս Ուիմբիշը հոկտեմբերի 16-ին Ջոնս շրջանի ընտրատեղամասում՝ Գրեյում, բանավոր վիճաբանության մեջ է մտել ընտրողի հետ: Պարզվել է, որ հաջորդ օրը Ուիմբիշն այնպիսի նամակ է ուղարկել շրջանի տեղամասի տեսուչին, որպեսզի թվա, որ այն գրել է վերոնշյալ ընտրողը։
Նամակում Ուիմբիշին անվանել են «սրիկա, որն ամենաթողության քողի տակ շեղել է ընտրողների ուշադրությունը քվեարկության ժամանակ»: Նամակում նաև նշվել է, թե Ուիմբիշը և նրա նմանները «պետք է զգույշ լինեն», և ավելացրել նախազգուշացում, որ նրանք դեռ պետք է «ծանր դասեր քաղեն մեր ընտրությունների գողության համար»:
Ամբաստանյալը մեղադրվում է ռումբի մասին սպառնալիք հնչեցնելու, ռումբի սպառնալիքի մասին կեղծ տեղեկատվություն փոխանցելու և ՀԴԲ-ին սպառնալիքներ ու կեղծ հայտարարություններ պարունակող նամակ ուղարկելու մեջ։
Թարգմանությունը՝ Տաթև Ֆռանգյանի
