14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Մենք աջակցում ենք հարաբերություններում նոր էջ բացելու՝ Ադրբեջանի և Հայաստանի ձգտումներին. Տոկաև
Քաղաքականություն
05.11.2024 | 11:45
Ղազասխատանի նախագահ Կասիմ-Ժոմարտ Տոկաևը նոյեմբերի 5-ին Փարիզ կատարելիք այցից առաջ հոդված է հրապարակել Le Figaro-ում, որում անդրադարձել է նաև Հայաստան-Ադրբեջան խաղաղության գործընթացին։
Հոդվածում նա ընդգծել է, որ «երկար տարիներ Ղազախստանն ակտիվորեն վարում է հավասարակշռված արտաքին քաղաքականություն և մասնակցում է դիվանագիտական նախաձեռնությունների առաջմղմանն ամբողջ աշխարհում»։
«Միջին տերության նոր կարգավիճակն իրոք ավելի մեծ պատասխանատվություն է դնում մեր երկրի վրա այս կարևոր առաքելությունը կատարելու համար»,- նշել է Տոկաևը։
Նա հավելել է, որ ընթացիկ մարտահրավերներին և հակամարտությունների աճող ռիսկերին բախվելով՝ Ղազախստանն աջակցում է խաղաղ գործընթացներին և միջքաղաքակրթական երկխոսությանը։
«Ադրբեջանին և Հայաստանին խաղաղության պայմանագրի շուրջ բանակցային հարթակ տրամադրելով՝ մենք լիովին աջակցում ենք երկու երկրների՝ հարաբերություններում նոր էջ բացելու ձգտումներին»,- հայտարարել է Ղազախստանի նախագահը։
Թարգմանությունը՝ Էմմա Չոբանյանի
