09.08.2026 | 12:38
Հովիկ Աբրահամյանի որդին կալանավորվել է
Գուրգեն Արսենյանը նոյեմբերի 5-ին հավատարմագրերը կհանձնի Պուտինին
Քաղաքականություն
04.11.2024 | 14:56
ՌԴ նախագահ Վլադիմիր Պուտինը նոյեմբերի 5-ին կընդունի 28 նոր դեսպանների հավատարմագրերը։ Այս մասին հայտնել է Կրեմլի մամուլի ծառայությունը, փոխանցում է ՏԱՍՍ-ը։
«2024 թվականի նոյեմբերի 5-ին Ռուսաստանի Դաշնության նախագահ Վլադիմիր Պուտինը կընդունի օտարերկրյա պետությունների նոր ժամանած 28 դեսպանների հավատարմագրերը: Արարողությունն ավանդաբար տեղի կունենա Կրեմլի մեծ պալատի Ալեքսանդրյան դահլիճում»,- ասվում է հաղորդագրության մեջ:
Նշվում է, որ հավատարմագրերը կհանձնեն մի շարք բարեկամ երկրների դեսպաններ, այդ թվում՝ ՌԴ-ում ՀՀ նորանշանակ դեսպան Գուրգեն Արսենյանը, Հնդկաստանի, Բելառուսի Ղրղզստանի, Ադրբեջանի դիվանագետները։ Իրենց հավատարմագրերը հանձնողների թվում են Ճապոնիայի, Կանադայի և Իսրայելի դեսպանները։
Թարգմանությունը՝ Էմմա Չոբանյանի
