04.04.2026 | 12:43
Ավտոմեքենան դուրս է եկել ճանապարհի երթևեկելի հատվածից և գլորվել ձորը
Google-ը քարտեզների վրա բացահայտել է Ուկրաինայի ռազմական օբյեկտների գտնվելու վայրը
Քաղաքականություն
04.11.2024 | 15:09
Google Maps ծառայությունը թարմացրել է Ուկրաինայի տարածքի արբանյակային պատկերները և բացահայտել ուկրաինական ռազմական օբյեկտների գտնվելու վայրը։ Այս մասին հայտնել է երկրի Ազգային անվտանգության և պաշտպանության խորհրդին կից ապատեղեկատվության հակազդման կենտրոնի ղեկավար Անդրեյ Կովալենկոն։
«Պատկերացրեք իրավիճակը. Google-ը քարտեզների վրա տեղադրել է թարմացված պատկերներ՝ ցույց տալով մեր ռազմական համակարգերի գտնվելու վայրը (չեմ հստակեցնի): Մենք դիմել ենք՝ խնդիրը արագ շտկելու համար, բայց նրանց մոտ հանգստյան օրեր են: Դրա ժամանակը չունեն»,- գրել է Կովալենկոն իր Տելեգրամ-ալիքում։
Ըստ պաշտոնյայի՝ ռուսական կողմն արդեն սկսել է «ակտիվորեն տարածել» Google Maps-ի պատկերները։ Մասնավորապես, Z-ալիքները հրապարակել են ուկրաինական ռազմական օբյեկտների սքրինշոթերը։ Նրանք ուշադրություն են դարձրել Կիևի Ժուլյանի օդանավակայանին, որտեղ, ըստ թարմացված քարտեզների, հայտնվել են հակաօդային պաշտպանության համակարգեր։ Տելեգրամ-ալիքները դրանք նույնականացրել են որպես Patriot զենիթահրթիռային համակարգեր:
Ըստ Google Earth-ի՝ նոր լուսանկարներն արվել են 2023 թվականի սեպտեմբերի 28-ին։
Թարգմանությունը՝ Տաթև Ֆռանգյանի
