08.10.2026 | 11:33
Դատախազությունը պահանջում է ազատել Աբովյան 8/1-ի անշարժ գույքը ընկերության ապօրինի տիրապետումից
Թուրքիան ՄԱԿ-ի կողմից Իսրայելի նկատմամբ զենքի էմբարգո է նախաձեռնել
Քաղաքականություն
04.11.2024 | 15:29
Թուրքիան նախաձեռնությամբ է հանդես եկել՝ ցանկանալով միավորել 52 երկրների և երկու միջազգային կազմակերպությունների՝ ՄԱԿ-ի Անվտանգության խորհրդին կոչ անելով անհապաղ դադարեցնել Իսրայելին զենքի և զինամթերքի մատակարարումը, գրում է Hurriyet Daily news-ը։
Թուրքիայի ԱԳ նախարար Հաքան Ֆիդանն ընդգծել է նախաձեռնության հրատապությունը։
«Մենք պետք է ամեն առիթով կրկնենք, որ Իսրայելին զենք վաճառելը հավասարազոր է ցեղասպանությանը մեղսակցության»,- հայտարարել է Ֆիդանը։
Նոյեմբերի 1-ին ՄԱԿ-ին ներկայացված նամակը ստորագրվել է 52 երկրների և երկու միջազգային կազմակերպությունների կողմից։ Ֆիդանը նշել է, որ այլ երկրներից զենք և զինամթերք գնելու՝ Իսրայելի կարողությունը տարածաշրջանում ահաբեկչություն բորբոքող հիմնական գործոնն է:
«Մենք պետք է թույլ չտանք Իսրայելին զենք և զինամթերք գնել: Մենք պետք է ամեն հարթակում այս հարցի վերաբերյալ մեր զգայունությունը պահենք օրակարգում»,- ասել է նա՝ Իսրայելի վարչապետ Բենիամին Նեթանյահուի վարչակազմը որակելով որպես «համաշխարհային սպառնալիք»:
Ֆիդանը կոչ է արել բոլոր երկրներին թույլ չտալ Իսրայելին անտեսել միջազգային իրավունքը՝ հայտարարելով, որ «Գազայում ցեղասպանություն է տեղի ունենում», և որ Նեթանյահուի մտադրությունն է «ամբողջովին բացառել երկու պետությունների լուծումը՝ օգտագործելով բոլոր հնարավոր միջոցները»։
Թարգմանությունը՝ Էմմա Չոբանյանի
