13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
«Նոան» ո՛չ կողմ է ՀՖՖ նախագահի հրաժարականին, ո՛չ դեմ․ հայտարարություն
04.11.2024 | 11:22
«Նոա» ֆուտբոլային ակումբը հանուն հայկական ֆուտբոլի զարգացման և հեռանկարային ծրագրերի, պատրաստ է համագործակցել բոլոր շահագրգիռ կողմերի հետ․ այս մասին ակումբը հայտարարություն է տարածել։
««Նոա» ֆուտբոլային ակումբը, ի պատասխան երկրպագուների և լրատվամիջոցների, հայտնում է հետևյալը՝
«Նոա» ՖԱ-ն չի մասնակցել ՀՖՖ ընտրություններին։
Ակումբն աշխատում է Հայաստանի ֆուտբոլի ֆեդերացիայի հետ ՀՖՖ-ին առնչվող խնդիրների շուրջ՝ հանուն արդար խաղի կանոնների։
Հայաստանում կան պրոֆեսիոնալ և մանկապատանեկան ֆուտբոլի զարգացման ռազմավարության բազմաթիվ հարցեր, այդ թվում՝ մեր կողմից բարձրացված, որոնց շուրջ քննարկումներ են ծավալվում ՀՖՖ-ի հետ՝ փորձելով գտնել լուծումներ։
Հայկական ֆուտբոլի առջև ծառացած խնդիրների քննարկման և լուծման գործում «Նոան» կարևորում է նաև ֆուտբոլասերների և մեր սիրելի երկրպագուների մասնակցությունը՝ գնահատելով վերջիններիս ջանքերը։
«Նոա» ՖԱ-ն շարունակում է իր ճանապարհը հայկական ֆուտբոլի զարգացման երկարաժամկետ և հեռանկարային ծրագրերով՝ հանուն այս նպատակների պատրաստ է համագործակցել բոլոր շահագրգիռ կողմերի հետ։
Հաշվի առնելով ստեղծված իրավիճակը՝ կոչ ենք անում հայկական ֆուտբոլի ապագայով մտահոգված բոլոր ուժերին նստել մեկ սեղանի շուրջ և քաղաքակիրթ ձևով բանակցել ու հասնել փոխըմբռնելի լուծումների։
«Նոա» ֆուտբոլային ակումբը պատրաստ է աջակցել այս գործընթացին՝ համախմբելով բոլոր ուժերին մեկ ընդհանուր նպատակի շուրջ, այն է՝ զարգացնել հայկական ֆուտբոլը և տոն պարգևել մեր սիրելի երկրպագուներին։
Բոլորիս մաղթում ենք ֆուտբոլային նոր վերելքներ»,- ասված է հայտարարության մեջ։
Ավելի վաղ տեղեկացրել էինք, որ «Ուրարտու» ֆուտբոլային ակումբը միանում է Հայաստանի ազգային հավաքականի ֆան ակումբների և Հայաստանի Պրեմիեր լիգայի ֆան ակումբների ֆան շարժումներին, որոնք պահանջում են Հայաստանի Ֆուտբոլի Ֆեդերացիայի գործող ղեկավարության հրաժարականը։
Մինչդեռ «Սյունիք» ֆուտբոլային ակումբն աջակցություն էր հայտնել ՀՖՖ գործող ղեկավարությանը։
Factor.am-ը նաև տեղեկացրել էր, որ ՀՖՖ նախագահ Արմեն Մելիքբեկյանը հայտարարություն էր տարածել երկրպագուների կողմից ՀՖՖ ղեկավարության հրաժարականի պահանջի առնչությամբ։
