08.10.2026 | 20:14
Ոստիկանության տարածքային բաժիններ է ներկայացվել նախկինում դատապարտված և հանցավոր հակումներ ունեցող 77 անձ
Հյուսիսային Կորեայի ԱԳ նախարարը հայտարարել է, որ կկանգնեն ՌԴ-ի կողքին՝ «մինչև հաղթական ավարտը»
Քաղաքականություն
01.11.2024 | 17:50
Հյուսիսային Կորեայի արտաքին գործերի նախարար Ցոյ Սոնգ Հուին, որը Մոսկվայում հանդիպել է ՌԴ ԱԳ նախարար Սերգեյ Լավրովի հետ, հայտարարել է, որ ԿԺԴՀ-ն կշարունակի օգնել Ռուսաստանին Ուկրաինայի հետ պատերազմում, գրում է BBC-ի ռուսական ծառայությունը։
«Եվս մեկ անգամ վստահեցնում ենք, որ մինչև հաղթական ավարտը մենք միշտ ամուր կկանգնենք մեր ռուս ընկերների կողքին»,- ասել է Հյուսիսային Կորեայի ԱԳ նախարարը։
Նա ուղղակիորեն ոչինչ չի ասել ուկրաինական ճակատ զինամթերք և զինծառայողներ ուղարկելու մասին, ինչում Ուկրաինան և նրա դաշնակիցները մեղադրում են Հյուսիսային Կորեային, բայց հիշեցրել է, որ ԿԺԴՀ-ն պատերազմի հենց սկզբից աջակցել է Ռուսաստանին։
«Հատուկ ռազմական գործողության հենց սկզբից ԿԺԴՀ-ի նախագահ Կիմ Չեն Ընը հրահանգներ է տվել, որ մենք չպետք է նայենք որևէ մեկին՝ հետևողականորեն և հզոր կերպով աջակցելով ու օգնություն ցուցաբերելով ռուսական բանակին և ռուս ժողովրդին»,- հայտարարել է ԿԺԴՀ ԱԳՆ ղեկավարը։
Թարգմանությունը՝ Էմմա Չոբանյանի
