08.10.2026 | 20:14
Ոստիկանության տարածքային բաժիններ է ներկայացվել նախկինում դատապարտված և հանցավոր հակումներ ունեցող 77 անձ
Բրնձի առանձին տեսակների նկատմամբ սահմանվել է սակագնային քվոտա
Տնտեսություն
01.11.2024 | 16:29
ՀՀ էկոնոմիկայի նախարարությունից հայտնում են , որ վիետնամական ծագման երկարահատիկ բրնձի առանձին տեսակների համար կառավարության կողմից հաստատվել է սակագնային քվոտա։
«2025 թ․ ընթացքում Հայաստանի Հանրապետության տարածք Վիետնամի Սոցիալիստական Հանրապետության ծագում ունեցող երկարահատիկ բրնձի նկատմամբ սակագնային քվոտա սահմանելու, ներմուծման լիցենզիայի ընթացակարգը, մեկանգամյա և գլխավոր լիցենզիաների ձևերը հաստատելու մասին որոշումը, որով սահմանվել է 150 տոննա ծավալով սակագնային քվոտա՝ 2025թ․ ընթացքում ՀՀ ներմուծվող վիետնամական ծագման երկարահատիկ բրնձի առանձին տեսակների (ԵԱՏՄ ԱՏԳ ԱԱ 1006 30 670 1 և 1006 30 980 1) նկատմամբ, որոնց ներմուծումը «Բացթողում` ներքին սպառման համար» մաքսային ընթացակարգի կիրառմամբ» թույլատրվում է՝ 0% ներմուծման մաքսատուրքի դրույքաչափի կիրառման պայմանով` լիցենզիայի առկայության դեպքում:
Որոշմամբ հաստատվում են՝ 2025թ․-ի ընթացքում արտաքին տնտեսական գործունեության մասնակիցների միջև վիետնամական ծագման երկարահատիկ բրնձի Վիետնամի Սոցիալիստական Հանրապետությունից ներմուծման լիցենզավորման ընթացակարգը, ներմուծման մեկանգամյա և գլխավոր լիցենզիաների ձևերը։
