09.09.2026 | 16:49
Ադրբեջանի և Հայաստանի արտգործնախարարների առաջիկա հանդիպման շուրջ պայմանավորվածություն կա․ խոսնակ
Թրամփն իրեն ՌԴ-ի բարեկամ համարողներին «հիվանդ» է անվանել՝ հայտարարելով, թե հենց ինքն է կանգնեցրել «Հյուսիսային հոսք 2»-ը
Քաղաքականություն
01.11.2024 | 17:22
ԱՄՆ նախագահի հանրապետական թեկնածու Դոնալդ Թրամփն Արիզոնա նահանգի Գլենդեյլի մարզադաշտում հաղորդավար Թաքեր Կառլսոնին տված հարցազրույցում «հիվանդ» անվանել նրանց, ովքեր իրեն Ռուսաստանի բարեկամն են համարում։
«Նրանք [դեմոկրատները] սիրում են ասել, որ ես Ռուսաստանի բարեկամն եմ, աշխատել եմ Ռուսաստանի համար, որ ես ռուս լրտես եմ։ Այս մարդիկ հիվանդ են»,- ասել է Թրամփը։
Նա հավելել է, որ Ռուսաստանի ամենամեծ ձեռքբերումը «Հյուսիսային հոսք 2» գազատարն է, որն անցնում է Ռուսաստանից Գերմանիա՝ ամբողջ Եվրոպայով։
«Ես ոչնչացրեցի այն։ Ոչ ոք դա չի արել, բայց ես դա արել եմ: Ես կանգնեցրեցի նրան»,- ասել է Թրամփը։
Իր նախագահության ընթացքում Թրամփը բազմիցս քննադատել է Գերմանիային «Հյուսիսային հոսք 2»-ի կառուցման համար՝ միաժամանակ դեմ լինելով Մոսկվայի հետ նախկին հարաբերությունների վերականգնմանը։ Մասնավորապես, նա սպառնացել է պատժամիջոցներ կիրառել շինարարությամբ զբաղվող գերմանական ընկերությունների դեմ։
Կրեմլը «Հյուսիսային հոսքի» մասին Թրամփի հայտարարությունները բացատրել է Միացյալ Նահանգներում «նախընտրական մրցավազքով»։
«Մենք տեսնում ենք, որ այս մրցավազքի շատ տարրեր այնքան էլ չեն տեղավորվում մեր ըմբռնման մեջ։ Շատ բաներ չափազանց էքստրավագանտ են, չափազանց զգացմունքային: Հավանաբար, այս ընտրարշավի թեժ պահերին էլ մենք լսում ենք վերոնշյալ հայտարարությունները»,- ասել է Պեսկովը։
ԱՄՆ նախագահական ընտրությունները տեղի կունենան նոյեմբերի 5-ին։
Թարգմանությունը՝ Տաթև Ֆռանգյանի
