Իրանը պատրաստվում է Իսրայելին հարվածել Իրաքի տարածքից

Լուրեր

22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
Բոլորը

Իրանը պատրաստվում է առաջիկա օրերին Իրաքի տարածքից հարված հասցնել Իսրայելին։ Հարվածը պետք է հասցվի ԱՄՆ նախագահական ընտրություններից առաջ, Axios-ին հայտնել են իսրայելական հետախուզության երկու աղբյուրներ:

Պարբերականի զրուցակիցների խոսքով՝ Իսրայելն ակնկալում է, որ Իրանը մեծ քանակությամբ անօդաչու թռչող սարքեր և բալիստիկ հրթիռներ կկիրառի։ Իսլամական հեղափոխության պահապանների կորպուսի (ԻՀՊԿ) հրամանատար Հոսեյն Սալամին նախօրեին ասել էր, որ Իսրայելը սխալ է թույլ տվել՝ հարվածելով Իրանին։ Նրա խոսքով՝ Թեհրանի պատասխանը «տարբեր կլինի ցանկացած սցենարից»։

Սալամիի խոսքերը հաստատել է իրանցի բարձրաստիճան պաշտոնյան՝ հավելելով, որ Թեհրանը ծրագրում է «ուժեղ և ցավոտ» պատասխան, որը, հավանաբար, կտրվի նոյեմբերի 5-ին նշանակված ԱՄՆ նախագահական ընտրություններից առաջ։

Միևնույն ժամանակ, ամերիկացի պաշտոնյան, որը ցանկացել է անանուն մնալ, Axios-ին ասել է, որ Վաշինգտոնը վստահ չէ, որ Իրանը որոշել է հարվածել Իսրայելին։

Հոկտեմբերի 26-ի գիշերը Իսրայելի պաշտպանության բանակը (IDF) հարվածել էր Իրանին։ Հարձակման թիրախում, որին մասնակցել են ռազմաօդային ուժերի մոտ 100 ինքնաթիռ, ներառյալ՝ F-35 կործանիչներ, եղել են Իրանի հրթիռային արդյունաբերության առանցքային գործարանները:

Ըստ Axios-ի՝ Իսրայելի բանակը շարքից դուրս է բերել 12 օբյեկտ, որոնք վառելիք էին արտադրում իրանական բալիստիկ հրթիռների համար, որոնք կազմում են Իրանի զինանոցի մեծ մասը: ԱՄՆ բարձրաստիճան պաշտոնյան հաստատել է, որ հարձակումը զգալիորեն կթուլացնի Թեհրանի արտադրական կարողությունները նման զենքերի ստեղծման ոլորտում։

Իսրայելից իրազեկ աղբյուրը բացատրել է, որ ոչնչացված կայանքները բարձր տեխնոլոգիական սարքավորումներ են, որոնք Իրանը չի կարող ինքնուրույն արտադրել և ստիպված է գնել Չինաստանից։ Դրանց վերականգնման համար կպահանջվի առնվազն մեկ տարի։

Իսրայելի հարվածն Իրանին, որը հոկտեմբերի 1-ին իսրայելական տարածքի գնդակոծման պատասխանն էր, «խորը տագնապ» է առաջացրել Իրանի կառավարությունում։ The New York Times-ի հետ զրույցում աղբյուրները հայտնել են, որ հարձակման արդյունքում վնասվել է հակաօդային պաշտպանության համակարգը, իսկ Իսլամական Հանրապետության առանցքային էներգետիկ ու տնտեսական կենտրոնները մնացել են անպաշտպան։

Թարգմանությունը՝ Տաթև Ֆռանգյանի