08.10.2026 | 20:14
Ոստիկանության տարածքային բաժիններ է ներկայացվել նախկինում դատապարտված և հանցավոր հակումներ ունեցող 77 անձ
Իսրայելն ավիահարվածներ է հասցրել Բեյրութին՝ ԱՄՆ-ի կողմից հրադադարի հաստատման ջանքերի ֆոնին
Քաղաքականություն
01.11.2024 | 15:31
Իսրայելն առավոտյան մի շարք հզոր ավիահարվածներ է հասցրել Բեյրութի հարավային արվարձաններին՝ բնակիչներին տարհանելու հրամանից հետո: Սրանք առաջին նման հարվածներն են խիտ բնակեցված քաղաքային շրջաններում մի քանի օրվա ընթացքում, գրում է Reuters-ը։
Իսրայելցի զինվորականները հայտարարել են, որ թիրախավորում են «Հըզբոլլահ»-ի օբյեկտներն ու ակտիվները։
Հարվածները հաջորդում են ԱՄՆ-ի գլխավորած դիվանագիտության նորացված, բայց առայժմ անորոշ շարքին, որը նպատակաուղղված է Գազայի հատվածում և Լիբանանում հրադադարի հաստատմանը՝ վերջ դնելու Իսրայելի և Իրանի կողմից աջակցվող ՀԱՄԱՍ-ի և «Հըզբոլլահ»-ի միջև ավելի քան մեկ տարվա մարտերին:
ԱՄՆ պետքարտուղար Էնթոնի Բլինքենն ասել էր, որ Իսրայելը և Լիբանանը շարժվում են փոխըմբռնում ձեռք բերելու ուղղությամբ, որն անհրաժեշտ ՄԱԿ-ի՝ վաղուց խախտված 1701 բանաձևի իրականացման համար։ Այն հիմք կհանդիսանա ներկայիս հակամարտությունը դադարեցնելու համար։
Մինչ այդ, Լիբանանի վարչապետը չորեքշաբթի հույս էր հայտնել, որ Իսրայելի հետ հրադադարի մասին համաձայնագիրը կհայտարարվի առաջիկա օրերի ընթացքում, քանի որ Իսրայելի հանրային հեռարձակողը հրապարակել էր համաձայնագրի նախագիծ, որը պահանջում է նախնականով 60-օրյա զինադադար:
Թարգմանությունը՝ Էմմա Չոբանյանի
