23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Լավրովն Ուկրաինայում պատերազմի մեկնարկից ի վեր առաջին անգամ կայցելի ԵՄ անդամ երկիր
Քաղաքականություն
01.11.2024 | 14:29
ՌԴ ԱԳ նախարար Սերգեյ Լավրովը 2024 թվականի դեկտեմբերին ծրագրել է աշխատանքային այց կատարել Մալթա։ Այս մասին հայտնում է «Վեդոմոստի»-ն՝ վկայակոչելով ՌԴ ԱԳՆ պաշտոնական ներկայացուցիչ Մարիա Զախարովային։
Այսպիսով՝ սա կլինի Լավրովի առաջին այցը ԵՄ անդամ երկիր 2022 թվականի փետրվարին Ռուսաստանի կողմից Ուկրաինա լայնամասշտաբ ներխուժումից հետո։ Վերջին անգամ դա եղել է 2021 թվականին, երբ Լավրովը Ստոկհոլմում մասնակցել է ԵԱՀԿ ԱԳ նախարարների խորհրդի հանդիպմանը։
Մալթայի դեսպանատնից հայտնել են, որ դեկտեմբերի 5-6-ը կղզում ԵԱՀԿ նախարարների խորհրդի նիստ անցկացնելու որոշումը «վերաբերվում է կազմակերպության բոլոր անդամներին, այդ թվում՝ Ռուսաստանի Դաշնությանը»։
2023 թվականի նոյեմբերին Լավրովը Հյուսիսային Մակեդոնիայում մասնակցել էր ԵԱՀԿ ԱԳ նախարարների հանդիպմանը։ Երկրի իշխանությունները որոշել էին բացել օդային տարածքը, որպեսզի Լավրովը կարողանա ներկա գտնվել հավաքին։ Մինչ այդ, Հյուսիսային Մակեդոնիան միացել էր ռուսական ավիաընկերությունների թռիչքների համար Եվրամիության սահմանած արգելքին։ Միջոցառմանը ռուս նախարարի անձնական ներկայության պատճառով Լատվիան, Լիտվան, Էստոնիան և Ուկրաինան հրաժարվել էին մասնակցությունից։
Թարգմանությունը՝ Էմմա Չոբանյանի
