18.07.2026 | 18:00
«Ֆուռերի մեջ բեռնված ձուկը փչանում է, ի՞նչ անենք»․ ՌԴ-ի սահմանափակումներն ու ԵՄ-ի ընձեռած հնարավորությունը․ ՏԵՍԱՆՅՈՒԹ
Վլադիվոստոկում դատապարտվել է ԱՄՆ գլխավոր հյուպատոսության նախկին աշխատակիցը
Քաղաքականություն
01.11.2024 | 13:51
Պրիմորսկի երկրամասի դատարանը Վլադիվոստոկում ԱՄՆ գլխավոր հյուպատոսության նախկին աշխատակից Ռոբերտ Շոնովին, որը մեղադրվում է օտարերկրյա պետության հետ գաղտնի համագործակցության մեջ, 4 տարի 10 ամիս ազատազրկման է դատապարտել, BBC-ի փոխանցմամբ՝ հաղորդում է Պրիմորսկի երկրամասի դատարանների մամուլի ծառայությունը։
Ըստ մեղադրող կողմի՝ Շոնովը, «չհամաձայնվելով Ուկրաինայի տարածքում ռուսական հատուկ ռազմական գործողության հետ», «նամակագրության միջոցով» գաղտնի համագործակցություն է հաստատել ԱՄՆ ներկայացուցիչների հետ՝ նրանց օգնելու «Ռուսաստանի անվտանգության դեմ» գործողությունների հարցում։ Շոնովը նաև տուգանվել է 1 միլիոն ռուբլով, նրանից նաև առգրավել են 400 հազար ռուբլի ու «հանցագործությունը կատարելու համար օգտագործված էլեկտրոնային սարքը»։
Շոնովը Վլադիվոստոկում ամերիկյան հյուպատոսությունում աշխատել է ավելի քան 25 տարի։ Այս ընթացքում փոխվել է 13 հյուպատոս, նա այդ ամբողջ ընթացքում եղել է նրանց օգնականը։
Թարգմանությունը՝ Տաթև Ֆռանգյանի
