23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Թուրքական զենքը սպանում է ռուսներին․ Լավրովը՝ Անկարայի ու Կիևի ռազմական համագործակցությունը «տարակուսելի» է անվանել
Քաղաքականություն
01.11.2024 | 13:31
«Ուկրաինայի հետ Թուրքիայի ռազմատեխնիկական համագործակցությունը տարակուսանք է առաջացնում Անկարայի՝ ռուս-ուկրաինական հակամարտությունում միջնորդ լինելու ձգտումների ֆոնին»,- թուրքական Hurriyet -ին տված հարցազրույցում հայտարարել է ՌԴ ԱԳ նախարար Սերգեյ Լավրովը։
«Ցավոք, Անկարան շարունակում է համագործակցությունը Կիևի ռեժիմի հետ ռազմատեխնիկական ոլորտում։ Թուրքական զենքն օգտագործվում է Ուկրաինայի զինված ուժերի կողմից ռուս զինվորականների և խաղաղ բնակիչների սպանության համար։ Սա չի կարող տարակուսանք չառաջացնել՝ Թուրքիայի ղեկավարության կողմից միջնորդական ծառայություններ մատուցելու պատրաստակամության մասին հայտարարությունների ֆոնին»,-ասել է Լավրովը՝ նշելով, որ Վաշինգտոնը և նրա դաշնակիցները ամեն կերպ աջակցություն են ցուցաբերում Կիևին և քննարկում են արևմտյան արտադրության հեռահար հրթիռների կիրառման հնարավորությունը ռուսական տարածքի խորքերը հարվածելու համար:
«Նման իրավիճակում անհավանական է թվում, որ որևէ երկրի, այդ թվում՝ Թուրքիայի միջնորդական ջանքերը հաջողություն կունենան»,-ընդգծել է ռուս դիվանագետը։ Միաժամանակ, ՌԴ ԱԳ նախարարը նշել է, որ Մոսկվան գնահատում է Թուրքիայի ջանքերը ուկրաինական հակամարտության կարգավորման ուղղությամբ։
«2022 թվականի գարնանը թուրքական կողմն էր հարթակ տրամադրել Ստամբուլում Կիևի ներկայացուցիչների հետ խորհրդակցությունների համար և նպաստել «Հացահատիկի համաձայնագրի» ստորագրմանը։ Ստամբուլում բանակցությունները «թաղվեցին» անգլո-սաքսոնների կողմից, որոնք Վլադիմիր Զելենսկիին արգելել էին համաձայնագրեր կնքել, որոնք կարող էին դադարեցնել հակամարտությունը և ապահովել ներգրավված կողմերի շահերի հավասարակշռությունը»,-ասել է Սերգեյ Լավրովը՝ հավելելով, որ «խաղաղությունը հիմա իրենց հակառակորդների պլաններում չկա»։
Թարգմանությունը՝ Էմմա Չոբանյանի
