Անկարան մոտենում է Eurofighter կործանիչների գնմանը, առաջընթաց է գրանցվել F-16-ի գործարքում․ Թուրքիայի ՊՆ

Թուրքիայի Պաշտպանության նախարարությունը հայտարարել է, որ բարենպաստ արդյունքի են մոտենում Eurofighter Typhoon կործանիչի գնման հարցում, միաժամանակ, հաստատելով, որ F-16 Block 70 կործանիչների համար պայմանագրերն այժմ ուժի մեջ են՝ նախնական վճարումներից հետո: ՊՆ աղբյուրները հաստատել են Մեծ Բրիտանիայի և Eurofighter Typhoon կոնսորցիումի անդամների հետ շարունակվող քննարկումները։ Նրանք լավատեսություն են հայտնել, որ Eurofighter Typhoon-ի գործարքը շուտով կավարտվի:

Այս հայտարարությունը հաջորդում է վերջերս Դիարբեքիրի ավիաբազայում բրիտանական Eurofighter-ի արտակարգ վայրէջքին՝ տեխնիկական խնդրի պատճառով։

«Eurofighter-ը ներկայում տեխնիկական սպասարկում է անցնում և շուտով կլքի Դիարբեքիրի բազան»,- ասել են ՊՆ աղբյուրները՝ պատասխանելով Թուրքիայում ինքնաթիռի ներկայության վերաբերյալ հարցերին:

Թուրքիայի կողմից վերջին վճարումից հետո F-16 Block 70 կործանիչների վերաբերյալ համաձայնագրերն այժմ պաշտոնապես ուժի մեջ են․ ՊՆ-ից հաստատել են, որ տեխնիկական քննարկումները ԱՄՆ իշխանությունների և ինքնաթիռներ արտադրող ընկերության հետ շարունակվում են՝ հաստատելով երկրի նավատորմում F-16 Block 70 կործանիչները ներառելու ծրագրերը։

«Թուրքիայի ռազմավարական դերը և նրա ձեռքբերումները պաշտպանական արտադրության ոլորտում ստիպել են շատ երկրների վերանայել սահմանափակումները։ Մենք շարունակում ենք ընդգծել, որ դաշնակիցները պետք է խուսափեն միմյանց դեմ պատժամիջոցներ կիրառելուց՝ ինչպես բացահայտ, այնպես էլ քողարկված»,- թուրքական ՊՆ-ի պաշտոնյաները:

Թարգմանությունը՝ Էմմա Չոբանյանի