30.04.2026 | 22:58
«Նուբարաշեն-Արին-Բերդ» ջրատարի վթարման հետևանքով Երևանի և Արարատի մարզի մի շարք հասցեներում 21 ժամ ջուր չի լինի
Լուկաշենկոն հայտարարել է, որ ռուս-ուկրաինական հակամարտությունում «հնարավոր է ոչ-ոքի»
Քաղաքականություն
31.10.2024 | 17:42
Բելառուսի նախագահ Ալեքսանդր Լուկաշենկոն կարծում է, որ Ռուսաստանը և Ուկրաինան պետք է բանակցություններ սկսեն հակամարտությունն առանց նախապայմանների լուծելու համար։ Նա հայտարարել է՝ Մինսկը նույնպես պետք է լինի բանակցությունների սեղանի շուրջ, փոխանցում է Կոմերսանտը։
«Իմ վերջին շփումները քաղաքակիրթ Արևմուտքի խելացի ներկայացուցիչների հետ վկայում են այն մասին, որ մենք որոշակի շրջադարձ ունենք։ Արևմուտքը վերջապես հասկացավ, որ Ուկրաինայում պետք է բանակցել։ Հնարավոր է ոչ-ոքի, եթե այսօր լինի։ Ես դա սպորտային լեզվով եմ ասում»,- հայտարարել է Լուկաշենկոն Եվրասիայում անվտանգության հարցերով Մինսկի միջազգային համաժողովի ժամանակ։
Բելառուսի նախագահը նշել է, որ տեղում իրավիճակը փոխվում է ամեն օր։ Նրա կարծիքով՝ այժմ ամեն ինչ հանգում է մեկ մարդու՝ Ուկրաինայի նախագահ Վլադիմիր Զելենսկիին։ Լուկաշենկոն կարծում է, որ ուկրաինացի զինվորականները «ցանկանում են վերջ տալ այս կոտորածին»։
«Ուկրաինան մարտի դաշտում չի հաղթի։ Ուկրաինացիներն ու Արևմուտքը դա արդեն հասկանում են։ Դե, պետք է շարժվել, բանակցել»,- ասել է Բելառուսի ղեկավարը։
Լուկաշենկոն հավելել է, որ ցանկանում է քննարկել նաև իր երկրի անվտանգության երաշխիքները։
Թարգմանությունը՝ Տաթև Ֆռանգյանի
