Իսրայելում Իրանի օգտին լրտեսության կասկասծանքով ադրբեջանցիներ են ձերբակալվել

Իսրայելի ոստիկանությունը հայտարարել է, որ իսրայելցի զույգի է կալանավորել, որոնք կասկածվում են Իրանի օգտին լրտեսության մեջ։ Այս մասին հաղորդել է AP-ն, որին վկայակոչում է Al Arabiya-ն։

«Իսրայելցիներին հավաքագրելու՝ Իրանի ջանքերը տապալումը շարունակվում է»,- ասվում է ոստիկանության և Իսրայելի ներքին անվտանգության գործակալության հայտարարության մեջ:

Նշվում է, որ կենտրոնական Լոդ քաղաքից զույգը ներգրավված է եղել «ազգային ենթակառուցվածքների, անվտանգության կայքերի և կին ակադեմիկոսին հետևելու» հետախուզական տվյալների հավաքագրման մեջ։

«Ռաֆայել ու Լալա Գուլիևները (ադրբեջանցիներ)՝ Լոդի բնակիչներ, ձերբակալվել են այն բանից հետո, երբ նրանք առաջադրանքներ են կատարել իրանական բջջի անունից, որն Իսրայելում հավաքագրում է Կովկասի երկրներից իսրայելցիների»,- ասվում է հայտարարությունում։

Ըստ ոստիկանության՝ զույգին հավաքագրել է ադրբեջանցի Էլշան (Էլհան) Աղաևը, որը հանդես է գալիս Իրանի պաշտոնյաների անունից: Անհասկանալի է, սակայն, արդյո՞ք Աղաևը գտնվում է Իսրայելում:

Նշվում է, որ Գուլիևները հսկողություն են իրականացրել իսրայելական «զգայուն վայրերի», այդ թվում՝ Մոսադ լրտեսական ծառայության կենտրոնակայանի նկատմամբ, և տեղեկություններ են հավաքել Թել Ավիվի Ազգային անվտանգության հետազոտությունների ինստիտուտում աշխատող ակադեմիկոսից:

Հիշեցնենք, որ օրերս էլ Իսրայելում Իրանի օգտին լրտեսություն իրականացնելու կասկածանքով ծնունդով Ադրբեջանից յոթ քաղաքացիներ էին ձերբակալվել։

Թարգմանությունը՝ Էմմա Չոբանյանի