18.07.2026 | 19:33
Հայ շախմատիստները լավագույն եռյակում են Փոթիի կայծակնային շախմատի մրցաշարում
Իսպանիայում ջրհեղեղների հետևանքով զոհերի թիվը հասել է 95-ի
Քաղաքականություն
31.10.2024 | 12:25
Իսպանիայում ջրհեղեղների հետևանքով առնվազն 95 մարդ է զոհվել, հայտնում է Associated Press-ը։ Արևելյան Վալենսիայում արտակարգ իրավիճակների ծառայությունները հաստատել են 92 մահվան դեպք: Հարևան Կաստիլիա-Լա Մանչա շրջանի իշխանությունները հայտնել են 2 զոհի, իսկ հարավային Անդալուզիայում՝ 1 մահվան դեպքի մասին:
Վալենսիայի Պաիպորտայի քաղաքապետ Մարիբել Ալբալատը RTVE հեռուստաընկերությանը հայտնել է, որ շուրջ 25 հազար բնակիչ ունեցող բնակավայրում ջրհեղեղների հետևանքով ավելի քան 30 մարդ է զոհվել։
Հոկտեմբերի 29-ին սկսված և երեկ ամբողջ օրվա ընթացքում շարունակվող անձրևները հեղեղումներ են առաջացրել Իսպանիայի հարավում և արևելքում՝ Մալագայից մինչև Վալենսիա: Այս տարածաշրջանում և դրա շրջակայքում ջրհեղեղների պատճառով բնակավայրերը կտրվել են ճանապարհներից։
Հաղորդվում է էլեկտրամատակարարման և կապի հետ կապված խափանումների մասին։
Թարգմանությունը՝ Տաթև Ֆռանգյանի
