08.10.2026 | 13:20
«Մենք չպետք է մոռանանք Ռուբեն Վարդանյանին և մյուս հայերին, որոնք դեռ պատանդ են պահվում Բաքվում»․ Եվրախորհրդարանի պատգամավոր
Թրամփն աղբատար մեքենայով է շրջել իր կողմնակիցների մասին Բայդենի արտահայտություններից հետո․ ՏԵՍԱՆՅՈՒԹ
Քաղաքականություն
31.10.2024 | 13:43
ԱՄՆ նախագահի հանրապետական թեկնածու Դոնալդ Թրամփը Վիսկոնսինով երթևեկել է աղբատար մեքենայով՝ այն բանից հետո, երբ գործող նախագահ Ջո Բայդենը նրա կողմնակիցներին անվանել է «աղբ»: Այս մասին հայտնել է CNN-ը։
«Բայդենի այս հայտարարությունն իսկական խայտառակություն է։ Հավանո՞ւմ եք իմ աղբատարը: Սա ի պատիվ [ԱՄՆ փոխնախագահ] Քամալայի և Ջո Բայդենի է»,- ասել է Թրամփը։
Հոկտեմբերի 30-ին Ջո Բայդենը լատինաամերիկացի ընտրողների հետ տեսազանգի ժամանակ «աղբ» էր անվանել ամերիկացիներին, ովքեր սատարում են նախագահի հանրապետական թեկնածու, Սպիտակ տան նախկին ղեկավար Դոնալդ Թրամփին։ Նրա այս խոսքերի պատճառը կատակերգու Թոնի Հինչքլիֆի ելույթն էր Թրամփի հանրահավաքում։ Երգիծաբանը Պուերտո Ռիկոն, որն ԱՄՆ-ի տարածք է, համեմատել էր «աղբի լողացող կղզու» հետ։
Թարգմանությունը՝ Տաթև Ֆռանգյանի
