07.10.2026 | 23:48
Արթուր Դանիելյանը կալանավորվեց
Էրդողանի հրամանով՝ Ադրբեջանը չի ներառվել այն երկրների ցանկում, որտեղից Թուրքիա ներկրվող ապրանքների մաքսատուրքերը կբարձրացվեն
Քաղաքականություն
30.10.2024 | 22:40
Թուրքիան չի ավելացնի մաքսային ծախսերն Ադրբեջանից ներկրվող որոշ ապրանքների համար։ Այս մասին ասվում է Թուրքիայի նախագահ Ռեջեփ Թայիփ Էրդողանի՝ Resmi Gazete-ում հրապարակված որոշման մեջ։
Մասնավորապես, Թուրքիայի կառավարության որոշմամբ՝ բարձրացվել են Առևտրի համաշխարհային կազմակերպության (ԱՀԿ) անդամ չհանդիսացող երկրներից պլաստմասսե արտադրանքի որոշակի տեսակների ներմուծման մաքսատուրքերը։ Բացառություն է արվել միայն Ադրբեջանի համար։
«Ներքին շուկայում հայրենական արտադրության տեսակարար կշիռն ավելացնելու և պահպանելու նպատակով որոշվել 50-ից 400 դոլարի չափով լրացուցիչ ֆինանսական պարտավորություն մտցնել Առևտրի համաշխարհային կազմակերպության անդամ չհանդիսացող երկրներից ճարպաթթուների, պոլիստիրոլի, պոլիէթիլենային միացությունների, տարբեր պլաստիկ խողովակների ներմուծման համար, բացառությամբ՝ Ադրբեջանի»,- ասվում է որոշման մեջ։
Թարգմանությունը՝ Էմմա Չոբանյանի
