Քաղաքականություն
30.10.2024 | 22:12
Վաշինգտոնում մի խումբ ադրբեջանցի քաղաքական էմիգրանտներ բողոքի ցույց են անցկացրել Սպիտակ տան դիմաց՝ պահանջելով ազատ արձակել Ադրբեջանում քաղբանտարկյալներին։ Տեղեկությունը տարածվել է սոցցանցերի ադրբեջանական տիրույթում։ Ակցիայի մասնակիցները նաև տեսանյութեր են հրապարակել։
Հանրահավաքի ընթացքում մասնակիցները հնչեցրել են կարգախոսներ՝ կոչ անելով բոյկոտել Բաքվում COP29 կլիմայական համաժողովը՝ երկրում քաղբանտարկյալների առկայության պատճառով։ Ցուցարարները բարձրացրել են քաղբանտարկյալների դիմանկարներով պաստառներ։
Հիշեցնենք, որ Ադրբեջանում, ըստ տեղի իրավապաշտպանների հրապարակած վերջին տվյալների, քաղբանտարկյալների թիվը հասել է 319-ի։
Թարգմանությունը՝ Էմմա Չոբանյանի
