14.01.2026 | 11:07
ԱԺ պետաիրավական հարցերի հանձնաժողովի նիստը՝ ՈՒՂԻՂ
ԻՀՊԿ-ն «ջախջախիչ հարվածներ» է խոստացել Իսրայելին առաջիկա օրերին
Քաղաքականություն
30.10.2024 | 18:43
Իսլամական հեղափոխության պահապանների կորպուսի (ԻՀՊԿ) հրամանատարի տեղակալ Մոհամմադ Ռեզա Նաղդին հայտարարել է Իսրայելի հարվածներին Իրանի պատասխանի մասին։ Նրա խոսքով՝ հարձակումը տեղի կունենա մոտ օրերս։
«Առաջիկա օրերին դուք կտեսնեք է՛լ ավելի ջախջախիչ հարվածներ սիոնիստական ռեժիմին։ Մենք կզարմացնենք նրանց մեր նախաձեռնությամբ և հնարամտությամբ»,- ասվում է հրամանատարի հայտարարության մեջ, որը մեջբերում է Al-Alam-ը:
Իսրայելական բանակը հոկտեմբերի 26-ի գիշերը հարձակվել է Իրանի ռազմական օբյեկտների վրա։ Թիրախները եղել են հրթիռային գործարաններն ու հակաօդային պաշտպանության համակարգերը։ Իրանական կողմը հայտնել է, որ հարձակումը հետ է մղվել, սակայն «սահմանափակ վնաս» է հասցվել։
Իրանի գերագույն հոգևոր առաջնորդ այաթոլլա Ալի Խամենեին ասել է, որ Իսրայելը սխալ հաշվարկ է արել Իրանի վրա հարձակվելիս։
Թարգմանությունը՝ Տաթև Ֆռանգյանի
