09.09.2026 | 10:41
Հրդեհ Քարաբերդում․ այրվել է մոտ 700 հակ անասնակեր
Քշված մեքենաներ, ռելսերից դուրս եկած արագընթաց գնացք և անհետ կորածներ․ Իսպանիայում հորդառատ անձրևները ջրհեղեղներ են առաջացրել
Քաղաքականություն
30.10.2024 | 14:01
Իսպանիայում շուրջ տասը մարդ անհետ կորել է երկրի հարավում և արևելքում տեղացած անձրևների պատճառով։ Այս մասին գրում է The Guardian-ը։
Ջրհեղեղներն ազդել են Իսպանիայի տարածքի զգալի մասի վրա, որը ձգվում է հարավում գտնվող Մալագա նահանգից մինչև արևելք՝ Վալենսիա։ Ջրի հոսքերը ճեղքել են Ալբասետե նահանգի արևելյան Լետուր քաղաքը՝ փողոցներով քշելով մեքենաներ։
Մալագայից ոչ հեռու արագընթաց գնացքը, որում եղել է գրեթե 300 մարդ, վատ եղանակի պատճառով ռելսերից դուրս է եկել։ Իշխանությունները հայտնել են, որ տուժածներ չկան, սակայն Վալենսիայի և Մադրիդի միջև արագընթաց երկաթուղային հաղորդակցությունը խափանվել է:
Տեղի իշխանությունների տվյալներով՝ վեց մարդ անհետ կորել է կենտրոնական Կաստիլիա-Լա Մանչա շրջանում, իսկ Վալենսիայում փնտրում են աղետի ժամանակ անհետացած բեռնատարի վարորդին։ Այնուամենայնիվ, իշխանությունները ենթադրում են, որ անհետ կորածները կարող են ավելի շատ լինել:
Թարգմանությունը՝ Տաթև Ֆռանգյանի
