26.05.2026 | 23:35
Վաղը առավոտյան ՀՀ ԶՈՒ ավիացիան Երևանի կենտրոնում կատարելու է թռիչք. ՊՆ
Բայդենը հայտարարել է, որ խորապես անհանգստացած է Վրաստանի ժողովրդավարական հետընթացից
Քաղաքականություն
30.10.2024 | 13:45
ԱՄՆ նախագահ Ջո Բայդենը Վրաստանի կառավարությանը կոչ է արել լարձագանքել հոկտեմբերի 26-ի խորհրդարանական ընտրություններում տեղի ունեցած խախտումների մասշտաբի վերաբերյալ միջազգային մտահոգություններին և չեղարկել ռուսական օրինակով ընդունված վերջին օրենքները, գրում է BBC-ն:
«Ես խորապես անհանգստացած եմ երկրի վերջին ժողովրդավարական հետընթացից»,- ասել է Բայդենը՝ կրկնելով Եվրամիության մտահոգությունները, որը սառեցրել է Վրաստանի անդամակցության հայտը և վերջին զարգացումները որակել որպես «խորապես մտահոգիչ»:
Հիշեցնելով, որ միջազգային և տեղական դիտորդներն ընտրություններն «ազատ և արդար» չեն որակել, Բայդենը կոչ է արել Վրաստանի կառավարությանը սկսել «ներառական երկխոսություն բոլոր քաղաքական ուժերի հետ՝ ընտրությունների ամբողջականությունը վերականգնելու համար»։
Հավելենք, որ ավելի վաղ ԵՄ-ն ու ԱՄՆ-ն կոչ էին արել Վրաստանի իշխանություններին հետաքննել ընտրախախտումները։ Վրաստանի նախագահ Սալոմե Զուրաբիշվիլին էլ հրաժարվել է ճանաչել ընտրությունների արդյունքները։
Թարգմանությունը՝ Էմմա Չոբանյանի
