14.01.2026 | 15:00
Վաշինգտոնում հայ գերիների հարցն է քննարկվել // Տեր Ասողիկ աբեղան ՔԿ հարցաքննության է կանչվել․ ԼՈՒՐԵՐ
ԱՄՆ-ի և Թուրքիայի ՊՆ ղեկավարները տարածաշրջանային անվտանգության հարցեր են քննարկել
Քաղաքականություն
30.10.2024 | 11:58
ԱՄՆ պաշտպանության նախարար Լլոյդ Օսթինը Թուրքիայի ՊՆ ղեկավար Յաշար Գյուլերի հետ հեռախոսազրույցում իր ցավակցություններն է հայտնել հոկտեմբերի 23-ին Անկարայում տեղի ունեցած ահաբեկչության կապակցությամբ։
«Պաշտպանության նախարար Լլոյդ Օսթինն ընդունել է Թուրքիայի օրինական մտահոգությունները անվտանգության ոլորտում և քննարկել Թուրքիայի վերջին գործողությունները Սիրիայում։ Նա ընդգծել է խաղաղ բնակիչներին հասցվող ցանկացած վնասից խուսափելու անհրաժեշտությունը և վերահաստատել Վաշինգտոնի ու Անկարայի միջև սերտ համագործակցության կարևորությունը՝ կանխելու համար ԱՄՆ-ի ուժերին սպառնացող ցանկացած վտանգ ԻԼԻՊ-ին հաղթելու առաքելության ընթացքում»,- ասվում է հայտարարության մեջ։
Օսթինը նաև շնորհավորել է Գյուլերին Թուրքիայի Հանրապետության հիմնադրման 101-րդ տարեդարձի կապակցությամբ։
Թուրքիայի ՊՆ-ն X-ի իր միկրոբլոգում հայտնում է, որ զրույցի ընթացքում կողմերը մտքեր են փոխանակել երկկողմ և տարածաշրջանային պաշտպանության ու անվտանգության հարցերի շուրջ։
Թարգմանությունը՝ Էմմա Չոբանյանի
