09.09.2026 | 11:48
ԱՄՆ-ն հայտնել է իրանական 5 լցանավերի ոչնչացման մասին․ Թեհրանը թիրախավորել է Հորդանանում ամերիկյան ռազմաբազան
Իսրայելը հարվածել է ԻՀՊԿ-ի տիեզերական կենտրոնին հոկտեմբերի 26-ի հարձակման ժամանակ․ NYT
Քաղաքականություն
30.10.2024 | 11:22
Իսրայելը հոկտեմբերի 26-ի հարձակման ժամանակ հարվածել է Իրանի Սեմնան նահանգի Շահրուդ տիեզերական կենտրոնին, գրում է The New York Times-ը (NYT)՝ վկայակոչելով արբանյակային լուսանկարներն ու վերլուծաբաններին։ Ենթադրվում է, որ կենտրոնում արտադրվել են պինդ վառելիքով աշխատող հրթիռային շարժիչներ, որոնք կարող են օգտագործվել ինչպես տիեզերական տեխնոլոգիաների, այնպես էլ բալիստիկ հրթիռների մեջ։
Ըստ NYT-ի՝ տիեզերական կենտրոնը պատկանում է Իսլամական հեղափոխության պահապանների կորպուսին։ ԻՀՊԿ-ն մշակել է հրթիռների արտադրության սեփական ծրագիր՝ Իրանի զինված ուժերից առանձին:
Հիշեցնենք՝ Իսրայելի պաշտպանության բանակը հոկտեմբերի 26-ի գիշերը հարձակվել է Իրանի ռազմական օբյեկտների վրա։ Թիրախները եղել են հրթիռային գործարաններն ու հակաօդային պաշտպանության համակարգերը։
Իրանական կողմը հայտնել է, որ հարձակումը հետ է մղվել, սակայն «սահմանափակ վնաս» է հասցվել։ Axios-ը հայտնել է, որ իսրայելական հարվածը շարքից դուրս է հանել Իրանում բալիստիկ հրթիռների արտադրության առանցքային բաղադրիչը։
Թարգմանությունը՝ Տաթև Ֆռանգյանի
