07.10.2026 | 14:35
«Գիտուժ»-ը ահազանգում է․ 2027-ի բյուջեի նախագծում գիտության ռազմավարությամբ նախատեսված ծրագրերը ներառված չեն
Գարեգին Բ-ն Բաքվում կրոնական կազմակերպությունների առաջնորդների հանդիպմանը մասնակցելու հրավեր չի ստացել
Քաղաքականություն
29.10.2024 | 18:45
Նոյեմբերին Բաքվում կայանալիք կրոնական առաջնորդների հանդիպմանը մասնակցելու հրավեր Ամենայն Հայոց Կաթողիկոս Գարեգին երկրորդը չի ստացել, այս մասին Factor.am-ի հետ զրույցում տեղեկացրեց Մայր Աթոռի Տեղեկատվական համակարգի տնօրեն Տեր Եսայի քահանա Արթենյանը։
Ավելի վաղ ադրբեջանական լրատվամիջոցները, վկայակոչելով Կովկասի մահմեդականների գրասենյակի մամուլի ծառայությունը, հայտնել էին, որ Ադրբեջանի նախագահ Իլհամ Ալիևի նախաձեռնությամբ նոյեմբերի 5-6-ը ՄԱԿ-ի Կլիմայի փոփոխության շրջանակային կոնվենցիայի (COP29) Կողմերի համաժողովի շրջանակում Էկոլոգիայի և բնական պաշարների նախարարության, Կրոնական սուբյեկտների հետ աշխատանքի պետական կոմիտեի, Կովկասի մահմեդականների գրասենյակի,ՄԱԿ-ի շրջակա միջավայրի ծրագրի կողմից Բաքվում կանցկացվի կրոնական առաջնորդների համաշխարհային գագաթնաժողով։
Կովկասի մուսուլմանների վարչության նախագահ Ալլահշուքյուր Փաշազադենը հայտարարել էր, որ կքննարկվի Ամենայն հայոց կաթողիկոս Գարեգին Բ-ին Բաքու հրավիրելու հարցը։
Կրոնական առաջնորդների առաջին և երկրորդ գլոբալ գագաթնաժողովները անցկացվել են Բաքվում 2010 թվականի ապրիլին և 2019 թվականի նոյեմբերին։
Հիշեցնենք՝ փոխարտգործնախարար Պարույր Հովհաննիսյանն էլ Factor.am-ի հետ զրույցում տեղեկացրել էր, որ Հայաստանը Բաքվից հրավեր է ստացել ԱԳ նախարար Արարատ Միրզոյանի մակարդակով մասնակցելու Բաքվում կայանալիք ՄԱԿ-ի Կլիմայի փոփոխության շրջանակային համաձայնագրի (COP29) կողմերի համաժողովի 29-րդ նստաշրջանին։ Հովհաննիսյանը հայտնել էր, որ COP29-ին մասնակցության հարցը ներկայում քննարկվում է Կառավարությունում:
Մանյա Պողոսյան
