06.04.2026 | 18:01
Ղազախստանը բանակցություններ չի վարում Հայաստանի երկաթուղիների ռուսական կոնցեսիայի ձեռքբերման շուրջ
Լեհաստանը հրաժարվել է առանց ՆԱՏՕ-ի երաշխիքների Ուկրաինային ՄիԳ-29 փոխանցել
Քաղաքականություն
29.10.2024 | 22:47
Լեհաստանի նախագահ Անջեյ Դուդան հայտարարել է, որ Լեհաստանը չի կարողանա Ուկրաինա տեղափոխել ՄիԳ-29 կործանիչներ՝ առանց ՆԱՏՕ-ից երկրի օդային տարածքը պաշտպանելու երաշխիքների։ Ռազմական ինքնաթիռների տեղափոխման մասին երկրները պայմանավորվել են հուլիսին։
«Մենք նույնպես [Ուկրաինայի նախագահ Վլադիմիր Զելենսկիին] ասացինք, որ ցանկանում ենք փոխանցել ՄիԳ-29 կործանիչներ: Կկարողանանք դրանք փոխանցել, եթե մեզ պաշտպանեն ինքնաթիռներ, որոնք մեզ մոտ ժամանակավորապես կգային Արևմուտքից մեր երկինքը պաշտպանելու համար, իսկ կարճ ժամանակ անց մենք կստանայինք ինքնաթիռներ, որոնցով կթռչեին մեր օդաչուները։ Եվ դա կամրապնդեր մեր դիրքերը»,- ասել է Անջեյ Դուդան Radio Zeit-ի եթերում:
Ի պատասխան Վարշավայի և Կիևի հարաբերությունների մասին հարցին՝ Լեհաստանի նախագահը նաև ասել է, որ իրենք տվել են «այն ամենը, ինչ կարող էին»։ Նա հավելել է՝ Ուկրաինայի նախագահ Վլադիմիր Զելենսկին մնում է իր ընկերը։
Հուլիսի 8-ին Լեհաստանը և Ուկրաինան համաձայնագիր են ստորագրել պաշտպանության և անվտանգության ոլորտում համագործակցության մասին։ Վլադիմիր Զելենսկին ասել է, որ Վարշավան, ըստ փաստաթղթի, պետք է Կիևին մատակարարի ՄիԳ-29 կործանիչների առնվազն մեկ լրացուցիչ էսկադրիլիա։ Լեհաստանի վարչապետ Դոնալդ Տուսկը հայտնել է, որ երկիրը չի կարող կատարել համաձայնագրի պայմաններն առանց իր դաշնակիցների օգնության։
2023 թվականին Լեհաստանն Ուկրաինային է փոխանցել 14 կործանիչ։
Թարգմանությունը՝ Տաթև Ֆռանգյանի
