08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Էրդողանը շնորհավորել է Կոբախիձեին ընտրություններում «Վրացական երազանքի» հաղթանակի կապակցությամբ
Քաղաքականություն
29.10.2024 | 17:51
Թուրքիայի նախագահ Ռեջեփ Թայիփ Էրդողանը շնորհավորել է Վրաստանի վարչապետ Իրակլի Կոբախիձեին ընտրություններում «Վրացական երազանք» կուսակցության հաղթանակի կապակցությամբ։
Էրդողանը նշել է, որ ընտրությունները, որոնք «արտահայտել են վրաց ժողովրդի կամքը, անցել են խաղաղ ու անվտանգ միջավայրում»։
«Անկեղծորեն շնորհավորում եմ Ձեր ղեկավարած «Վրացական երազանք» կուսակցությանը 2024 թվականի հոկտեմբերի 26-ին կայացած խորհրդարանական ընտրություններում հաղթանակի և առաջին տեղը ստանալու համար։ Հուսով եմ, որ ընտրությունների արդյունքները հաջողություն կբերեն Վրաստանի ժողովրդին և մեր տարածաշրջանին։ Ուրախալի է, որ ընտրությունները, որոնք արտահայտել են վրաց ժողովրդի կամքը, անցել են խաղաղ ու անվտանգ միջավայրում։ Օգտվելով առիթից՝ ևս մեկ անգամ ցանկանում եմ ձեզ առողջություն և երջանկություն մաղթել, իսկ Վրաստանի բարեկամ ժողովրդին՝ բարգավաճում և երջանկություն»,- ասվում է Էրդողանի ուղերձում։
Թարգմանությունը՝ Էմմա Չոբանյանի
