26.05.2026 | 23:35
Վաղը առավոտյան ՀՀ ԶՈՒ ավիացիան Երևանի կենտրոնում կատարելու է թռիչք. ՊՆ
«Ակադեմիական քաղաք»-ի գլխավոր հատակագիծը հաջորդ տարի կներկայացվի հաստատման․ ԿԳՄՍ նախարար
Հասարակություն
29.10.2024 | 12:10
Հայաստանի կրթության, գիտության, մշակույթի և սպորտի նախարարությունն արդեն ավարտել է «Ակադեմիական քաղաք» հայեցակարգի գլխավոր հատակագծի մշակումը, հաջորդ տարի այն կներկայացվի հաստատման։ ԱԺ մշտական հանձնաժողովների համատեղ նիստում 2025 թվականի պետական բյուջեի նախնական քննարկման ժամանակ այս մասին տեղեկացրեց ԿԳՄՍ նախարար Ժաննա Անդրեասյանը։
Նրա փոխանցմամբ՝ մեկնարկել են նաև քաղաքաշինական զարգացման ուսումնասիրության, «Ակադեմիական քաղաք»-ի կառավարման մոդելի, «Ակադեմիական քաղաք»-ի տրանսպորտային նախագծի մշակման աշխատանքները միջազգային հեղինակավոր գործընկերների հետ կնքված պայմանագրերով։
«2025 թվականի պետական բյուջեով առանձնացրել ենք առանձին բյուջետային ծրագիր Ակադեմիական քաղաքի համար։ Մեծ թափով շարունակելու ենք ծրագրի իրականացումը։ Այս տարի ավարտել էինք «Ակադեմիական քաղաք» հայեցակարգի գլխավոր հատակագծի մշակումը։ 2025 թվականին արդեն հաստատման կներկայացվի ամբողջական գլխավոր հատակագիծը՝ տեղական օրենսդրությանը համապատասխան»,- նշեց Ժաննա Անդրեասյանը։
