24.12.2024 | 23:32
Մալխասի արվեստը երևանցիներն են. Տիգրան Ավինյան
Ուշադիր հետևում ենք Հայաստանի ու Ադրբեջանի խաղաղության անկեղծ ջանքերին, ցանկանում շուտափույթ բարի լուր ստանալ․ Էրդողան
Քաղաքականություն
29.10.2024 | 10:59
Ռեջեփ Թայիփ Էրդողանը Թուրքիայի կառավարության երեկվա նիստից հետո իր ուղերձում անդրադարձել է նաև Ստամբուլում անցկացված «3+3» հարթակի ԱԳ նախարարների հանդիպմանն ու Հայաստան-Ադբեջան կարգավորման գործընթացին։
«Հոկտեմբերի 18-ին Ստամբուլում կայացած 3+3 տարածաշրջանային համագործակցության պլատֆորմի շրջանակներում մենք մեր երկրում հյուրընկալել ենք Ադրբեջանի, Հայաստանի, Իրանի և Ռուսաստանի արտաքին գործերի նախարարներին։ Մենք ցանկանում ենք առաջիկայում այդ մեխանիզմը ապահովել ինստիտուցիոնալ կառուցվածքով»,- ասել է Էրդողանը։ Ըստ նրա՝ Ղարաբաղյան 44-օրյա պատերազմից հետո ու «օկուպացիայի ավարտով» Հարավային Կովկասում մշտական խաղաղության բացառիկ հնարավորություն կա։
«Այժմ խաղաղության քամիներ են փչում այս տարածաշրջանում, որը ժամանակին հայտնի էր ցավով, օկուպացիայով և հակամարտությամբ: Մենք ուշադիր հետևում ենք այս ուղղությամբ Ադրբեջանի և Հայաստանի անկեղծ ջանքերին։ Մեր ցանկությունն է շուտափույթ ստանալ բարի, լավ ու բարեբեր լուր, քանի դեռ այդ գործընթացը սաբոտաժ անողներին հնարավորություն չի տրվել»,- նշել է Էրդողանը՝ հավելելով, որ «շարունակելու են աշխատել կայուն խաղաղության համար ադրբեջանցի եղբայրների հետ համաձայնեցմամբ»։
Թարգմանությունը՝ Էմմա Չոբանյանի
