08.10.2026 | 18:02
Փարիզում քննարկվել է ապաստանի գործերով մասնագիտացված դատավորներ ունենալու հնարավորությունը
Մենք աջակցում ենք վրացիներին, ովքեր պայքարում են եվրոպական ապագայի համար․ Մայա Սանդու
Քաղաքականություն
28.10.2024 | 21:47
Մոլդովայի նախագահ Մայա Սանդուն հայտարարել է, որ Քիշնևն աջակցում է վրաց ժողովրդին, որը պայքարում է Վրաստանի եվրոպական ապագայի համար, փոխանցում է Գրուզիա օնլայնը։
Մոլդովայի նախագահի մեկնաբանությունը հաջորդել է իր վրացի գործընկեր Սալոմե Զուրաբիշվիլիի հետ հեռախոսազրույցի մասին տեղեկություններին։
«Ես հենց նոր խոսեցի Սալոմե Զուրաբիշվիլիի հետ Վրաստանի ընտրություններից հետո։ Մոլդովան աջակցում է ազատության, ժողովրդավարության ու եվրոպական ապագայի համար պայքարող բոլոր վրացիներին»,- գրում է Սանդուն։
Հոկտեմբերի 26-ին հանրապետությունում տեղի ունեցան խորհրդարանական ընտրություններ։ Կենտրոնական ընտրական հանձնաժողովի տվյալներով՝ բոլոր քվեաթերթիկները հաշվելուց հետո հաղթել է իշխող «Վրացական երազանք» կուսակցությունը՝ հավաքելով ձայների 53,93 տոկոսը։ Խորհրդարան են անցնում նաև չորս ընդդիմադիր կուսակցություններ, որոնք, ընդհանուր առմամբ, ստացել են 37,78 տոկոս։
Ընդդիմության ներկայացուցիչները հայտարարել են, որ չեն ճանաչում ԿԸՀ-ի տվյալները և բոյկոտելու են խորհրդարանի աշխատանքը։ Վրաստանի նախագահ Սալոմե Զուրաբիշվիլին ընտրություններն ամբողջությամբ կեղծված է անվանել և բողոքի ակցիաների կոչ արել։
Թարգմանությունը՝ Տաթև Ֆռանգյանի
