07.10.2026 | 12:56
Կոստանյանը ներկայացրել է ենթակառուցվածքների ապաշրջափակմամբ ստեղծվող տնտեսական հնարավորությունները
Լավրովը չի բացառել Վրաստանի իշխանությունների հետ երկխոսության հնարավորությունը
Քաղաքականություն
28.10.2024 | 18:43
Ռուսաստանը կարող է դիտարկել շփումների մասին Վրաստանի առաջարկը, եթե այդպիսին լինի։ Այս մասին հայտարարել է ՌԴ ԱԳ նախարար Սերգեյ Լավրովը Քուվեյթի իր պաշտոնակից Աբդալլա Ալ-Յահյայի հետ բանակցություններին հաջորդած մամուլի ասուլիսում, գրում է ՏԱՍՍ-ը։
«Եթե մեր վրացի հարևաններից ինչ-որ լրացուցիչ առաջարկներ լինեն շփումների հետ կապված, իհարկե, մենք դրանք կդիտարկենք։ Մենք երբեք շփումներից չենք խուսափել»,- ասել է նա՝ պատասխանելով հարցին՝ պատրա՞ստ է, արդյոք, ՌԴ-ն Վրաստանի իշխանությունների հետ երկխոսության, եթե նրանք հնարավոր համարեն Մոսկվա գնալ։
Հիշեցնենք, որ ավելի վաղ Վրաստանի նախագահ Սալոմե Զուրաբիշվիլին հայտարարել էր, որ երկրում անցկացված ընտրություններում դարձել են ռուսական հատուկ գործողության զոհը։ Նա նշել էր, որ չի ճանաչում հոկտեմբերի 26-ին տեղի ունեցած խորհրդարանական ընտրությունների արդյունքները։
Միաժամանակ, Վրաստանի վարաչապետ Իրակլի Կոբախիձեն հայտարարել է, որ առայժմ չեն ծրագրում վերականգնել դիվանագիտական հարաբերությունները ՌԴ-ի հետ։
Թարգմանությունը՝ Էմմա Չոբանյանի
