26.06.2026 | 15:10
ՔՊ-ից Ալխաս Ղազարյանը՝ ԱԺ փոխնախագահի պաշտոնի հավակնորդ // Ադրբեջանից բենզին ու դիզվառելիք է գալիս ՀՀ․ ԼՈՒՐԵՐ
Էմմա Ավանեսյանը Հայաստանը կներկայացնի «Միսս Տիեզերք 2024» մրցույթում
Հասարակություն
28.10.2024 | 15:17
Էմմա Ավանեսյանը Հայաստանը կներկայացնի «Միսս Տիեզերք 2024» մրցույթում․ այս մասին հայտարարություն է տարածել «Միսս տիեզերք Արմենիա»-ն։
Նշենք, որ մրցույթը տեղի կունենա այս տարվա նոյեմբերին Մեքսիկայում։
Հիշեցնենք, որ «Միսս տիեզերք» մրցույթում այս տարի Հայաստանը պետք է ներկայացներ ազգությամբ ռուս 31-ամյա Իրինա Զախարովան, որն ավելի ուշ հայտարարություն էր տարածել, ըստ որի՝ չի կարող Հայաստանը ներկայացնել քաղաքացիության հետ կապված խնդիրների պատճառով
Նոր «Միսս Տիեզերք Հայաստանը»՝ 32-ամյա Էմմա Ավանեսյանը, մոդելային գործակալության հիմնադիր է։
«Հպարտ եմ, որ հնարավորություն ունեմ Հայաստանը ներկայացնել «Միսս Տիեզերք» մրցույթում։ Վաղ տարիքից ես հետևում եմ կյանքի այս սկզբունքին. «Ոչ մի արդարացում։ Պարզապես առաջ»։Այս արտահայտությունն ինձ համար ուղղորդող լույս է դարձել՝ օգնելով հաղթահարել խոչընդոտները և հասնել նոր բարձունքների: Նրա շնորհիվ ես կարողացա հասարակ աղջկանից դառնալ հաջողակ մոդելային գործակալության հիմնադիր, երգչուհի և մոդելավորման ուսուցիչ։ Ես ունեմ բազմաթիվ մրցանակներ, որոնք արդյունք են քրտնաջան աշխատանքի։
Ես հավատում եմ, որ մեզանից յուրաքանչյուրն ի վիճակի է իրենից մի կտոր նվիրել հասարակությանը և այս աշխարհն ավելի լավը դարձնել: Միասին կարող ենք ոգեշնչել միմյանց և ստեղծել դրական փոփոխություններ»,- գրել է նա ինստագրամի իր էջում։
