14.09.2026 | 18:19
Փաշինյանն ու Բունդեսթագի պատվիրակությունը քննարկել են Հայաստան–Գերմանիա և Հայաստան–ԵՄ հարաբերությունները
Զախարովան ՀՀ-ն կներկայացնի «Միսս Տիեզերք 2024»-ում․ ինչպես են Մոսկվայում ընտրել Հայաստանի մասնակցին. ՏԵՍԱՆՅՈՒԹ
Հասարակություն
11.09.2024 | 19:00
«Միսս տիեզերք» մրցույթում այս տարի Հայաստանը կներկայացնի ազգությամբ ռուս 31-ամյա Իրինա Զախարովան: Ընդ որում, ընտրական մրցույթն անցկացվել է ոչ թե Հայաստանում, այլ Ռուսաստանում՝ Մոսկվայում: Այս փաստը բուռն քննարկումների առիթ է տվել սոցցանցերի հայկական տիրույթում։
Ինչպե՞ս է ստացվել, որ ընտրական փուլը չի անցկացվել Հայաստանում, ինչպես դա սովորաբար արվել է նախորդ տարիներին։ Պարզվում է՝ այս անգամ «Միսս տիեզերք Արմենիա»-ի անցկացման իրավունքը ձեռք է բերել ռուսաստանցի Յուլյա Պավլիկովան:
Արդյո՞ք մեր երկրում չկային գեղեցկուհիներ, որոնք իրենց տվյալներով համապատասխանում են «Միսս տիեզերքի» պահանջներին։
«Հայաստանում չի հայտարարվել և ոչ ոք չի իմացել, որ նման մրցույթ է տեղի ունենալու: Փաստ է, որ մրցույթն անցկացվել է նեղ շրջանակում, ավելին, մենք պարզել ենք, որ Զախարովան Պավլիկովայի մոտ ընկերուհին է»,- նշում է «Միսս տիեզերք Արմենիա 2019» Դայանա Դավթյանը:
Factor TV-ն զրուցեց նաև Յուլյա Պավլիկովայի հետ: Նա մեզ պատասխանեց, որ այս տարվա հուլիսից «Միսս տիեզերք Արմենիա»-ի պաշտոնական էջում շուրջ 1 ամիս տեղադրված է եղել քասթինգի մասին տեղեկություն: Նա նշեց, որ իրենք դիմել են նաև Հայաստանի մի քանի մոդելային գործակալությունների, այդ տեղեկությունը տարածվել է հենց «Միսս տիեզերք» միջազգային մրցույթի կողմից:
Թե ինչո՞ւ է մրցույթն անցկացվել Մոսկվայում, Պավլիկովան պատասխանեց՝ եզրափակիչ շոուի անցկացման համար վայր գտնելու ուղղությամբ իրենց թիմը մեծ աշխատանք է տարել, սակայն Հայաստանում չեն գտնվել մրցույթով հետաքրքրված համապատասխան թվով հովանավորներ, այդ պատճառով էլ որոշվել է եզրափակիչն անցկացնել Մոսկվայում:
«Միսս Հայաստան» գեղեցկության ազգային մրցույթի կազմկոմիտեի նախագահ Մամիկոն Դանիելյանը, սակայն, վստահեցնում է, որ Պավլիկովան, որը ձեռք է բերել «Միսս տիեզերք Արմենիա» և «Միսս տիեզերք Մոլդովա» մրցույթների կազմակերպման լիցենզիաները, սկզբում դիմել է իրենց ազգային մրցույթին և ցանկություն հայտնել, որ «Միսս տիեզերք Արմենիա»-ն կայանա Հայաստանում։ Նա փաստում է՝ իրենք համաձայնվել են և նույնիսկ պատրաստ են եղել մրցույթի ծախսերն իրենց վրա վերցնել և հովանավորներ գտնել:
Մանրամասները՝ տեսանյութում:
Աննա Բաբաջանյան
