22.06.2026 | 14:59
Կիբերհափշտակության և փողերի լվացման գործով ևս 30 մլն դրամ է փոխանցվել պետբյուջե
Մոսկվան չի միջամտում Թբիլիսիի ներքին գործերին․ Պեսկովը՝ Վրաստանում ընտրությունների մասին
Քաղաքականություն
28.10.2024 | 16:47
Ռուսաստանը չի միջամտում Վրաստանի ներքին գործերին։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով Վրաստանում անցկացված խորհրդարանական ընտրությունների շուրջ ստեղծված իրավիճակը։
Կրեմլի ներկայացուցիչը, միաժամանակ, նշել է, թե «եվրոպական շատ ուժեր փորձել են ազդել քվեարկության արդյունքի վրա», գրում է ՏԱՍՍ-ը։
«Մենք դա տեսնում են անզեն աչքով։ Հրապարակայնորեն հայտարարվում է, որ իրականացվում է երկրում իրավիճակի ապակայունացման փորձ։ Անզեն աչքով նաև տեսանելի են միջամտության փորձերը, սակայն ոչ Ռուսաստանի կողմից։ Քվեարկության ելքի վրա ազդեցություն ունենալ փորձել են մեծ թվով ուժեր եվրոպական երկրներից, եվրոպական տարբեր կառույցներից։ Ոչ ոք նույնիսկ չի թաքցրել, դրանք հրապարակային հայտարարություններ էին։ Ի տարբերություն Մոսկվայի։ Մենք չենք խառնվում Վրաստանի ներքին գործերին ու չենք պատրաստվում խառնվել»,- վստահեցրել է Պեսկովը։
Հիշեցնենք՝ Վրաստանի նախագահ Սալոմե Զուրաբիշվիլին հայտարարել է, որ այս ընտրություններում դարձել են ռուսական հատուկ գործողության զոհը։ Նա նշել է, որ չի ճանաչում հոկտեմբերի 26-ին տեղի ունեցած խորհրդարանական ընտրությունների արդյունքները։
Թարգմանությունը՝ Էմմա Չոբանյանի
