23.06.2026 | 18:03
ԵՄ հատուկ ներկայացուցիչ Մագդալենա Գրոնոն Ադրբեջան կայցելի
Ուկրաինան չի վախենում Թրամփի հաղթանակից․ ռազմական աջակցություն կտրվի․ Երմակ
Քաղաքականություն
27.10.2024 | 21:56
Ուկրաինան չի վախենում ԱՄՆ նախագահական ընտրություններում Դոնալդ Թրամփի հաղթանակից. ԱՄՆ նախագահի թեկնածուներից ոչ մեկը չի ցանկանում թույլ տալ, որ ռուս բռնապետ Վլադիմիր Պուտինը հաղթի պատերազմում։ Այս մասին իտալական Corriere Della Sera թերթին տված հարցազրույցում հայտարարել է Ուկրաինայի նախագահի գրասենյակի ղեկավար Անդրեյ Երմակը․ փոխանցում է РБК-Украина-ն։
«Մենք չենք վախենում, գրեթե երեք տարվա պատերազմից հետո ի՞նչ պետք է անենք, ակնհայտ է, որ ԱՄՆ-ի քաղաքականությունը մեզ համար մեծ նշանակություն ունի, նրանք մեր հիմնական դաշնակիցն են, և մենք լավ գիտենք, որ ամերիկյան հասարակությունը մեզ հետ է»,- ասաց Երմակը:
Նա հիշեցրեց նախագահ Վլադիմիր Զելենսկու վերջին հանդիպումները Ջո Բայդենի և Քամալա Հարիսի հետ, որոնք «ջերմ էին»։ Երմակի խոսքով՝ Զելենսկու հանդիպումը Թրամփի հետ նույնպես «շատ լավ է անցել»։
«Ես ներկա էի, չեմ մանրամասնի, դա փակ դռների հետևում էր, բայց կարող եմ ասել, որ մենք վերադարձանք Միացյալ Նահանգներից՝ վստահ լինելով, որ երկու թեկնածուներից և ոչ մեկը չի ցանկանում թույլ տալ Պուտինին հաղթել այս պատերազմում, և որ ռազմական աջակցությունը կտրվի»,- նշել է գրասենյակի ղեկավարը։
