22.12.2024 | 19:38
Կիրանց-Ոսկեպար ճանապարհին ավտոմեքենա է այրվել
ՄԱԿ-ի ԱԽ-ն վաղը նիստ կգումարի Իրանին հասցված հարվածների առնչությամբ
Քաղաքականություն
27.10.2024 | 20:17
ՄԱԿ-ի Անվտանգության խորհուրդը վաղը՝ հոկտեմբերի 28-ին նիստ կգումարի Իրանի վրա Իսրայելի պատասխան հարվածների առիթով. հաղորդում է CNN-ը:
Իրանը դիմել է Անվտանգության խորհրդի նիստին՝ պնդելով, որ Իսրայելը խախտել է միջազգային իրավունքը՝ շաբաթ օրn իր դեմ հարվածներ հասցնելով։
Անվտանգության խորհրդին ուղղված նամակում ՄԱԿ-ում Իրանի մշտական առաքելությունը նշել է, որ Իսրայելի գործողություններն Իրանի ինքնիշխանության և տարածքային ամբողջականության, միջազգային իրավունքի և ՄԱԿ-ի կանոնադրության կոպտագույն խախտում են։
ՄԱԿ-ում Իսրայելի դեսպան Դենի Դանոնն ասել է, որ Իրանի խնդրանքը «Իրանի կողմից մեզ վնասելու հերթական փորձն է, այս անգամ՝ քաղաքական ասպարեզում»՝ խոստանալով պաշտպանել Իսրայելի իրավունքները:
Դանոնը «ծիծաղելի» է անվանել այն պնդումները, թե Իսրայելը միջազգային իրավունք է խախտել։
«Քանի դեռ Իրանը շարունակում է սպառնալ և փորձել վնասել մեզ, նա կվճարի դրա համար»,- ասել է Դանոնը:
