07.10.2026 | 16:20
Հայաստանի Կիոկուշին կարատեի ֆեդերացիան կանցկացնի «Սամուրայ» մրցաշարը
Իրանի նախագահն Իսրայելին մեղադրում է Թեհրանի և այլ նահանգների վրա հարձակումների համար
Քաղաքականություն
27.10.2024 | 17:15
Իրանի նախագահ Մասուդ Փեզեշքիանն արձագանքել է Թեհրան, Խուզեստան և Իլամ նահանգների վրա շաբաթ օրը տեղի ունեցած հարձակմանը՝ շեշտելով, որ դա իրականացվել է Իսրայելի ռեժիմի կողմից․ փոխանցում է Mehr գործակալությունը։
«Իրանի թշնամիները պետք է իմանան, որ ռազմիկ ժողովուրդը անվախ կանգնած է ի պաշտպանություն իր հողի և խոհեմությամբ ու խելամտությամբ է պատասխանում ցանկացած հիմարության»,- X-ում գրել է Փեզեշքիանը։
Իրանի հակաօդային պաշտպանության ուժերը հայտնել են, որ չնայած Իսլամական Հանրապետության պաշտոնյաների նախկին զգուշացումներին անօրինական Սիոնիստական ռեժիմին` խուսափելու արկածախնդիր գործողություններից, Թել Ավիվի ռեժիմը շաբաթ առավոտյան լարվածություն առաջացնող գործողությամբ հարձակվել է մի քանի ռազմական օբյեկտների վրա Թեհրան, Խուզեստան և Իլամ նահանգներում:
«Իսրայելական ռեժիմի հարձակմանը հաջողությամբ հակազդել է երկրի հակաօդային պաշտպանության ինտեգրված համակարգը։ Սիոնիստների ագրեսիվ գործողությունները սահմանափակ վնաս են հասցրել մի քանի տեղամասերի»,- հայտնել է իրանական կողմը:
Հարձակումների ժամանակ զոհվել է Իրանի բանակի չորս զինծառայող։
