27.10.2024 | 14:34
Վարչապետը հարգանքի տուրք է մատուցել հոկտեմբերի 27-ի ոճրագործության զոհերի հիշատակին. ՏԵՍԱՆՅՈՒԹ
Այսօր ոչ մի հնարավորություն չունենք ադրբեջանցու դեմ կռվելու. ԵԿՄ նախագահ
Քաղաքականություն
27.10.2024 | 12:30
Ես կողմ եմ սահմանազատմանը, որովհետև մենք այսօր ոչ մի հնարավորություն չունենք ադրբեջանցու դեմ կռվելու: Այս մասին այսօր «Եռաբլուր» պանթեոնում լրագրողների հետ զրույցում նշեց ԵԿՄ նախագահ Սասուն Միքայելյանը:
«Գիտեք, որ 20 տարի ադրբեջանցիները ժամանակից զենք-զինամթերք էին առնում, ժամանակակից տեխնիկաներ, իսկ մեր նախորդ իշխանությունները ալան-թալանով էին զբաղված»,- ասաց նա:
Անդրադառնալով պանթեոնում հնչած մեղադրանքներին, թե իրենք ծախեցին Արցախը, Միքայելյանը նշեց. «Երկրապահը շարունակում է Սպարապետի թողած ավանդը ու Երկրապահը 44-օրյա պատերազմին 4 հազար մարդով մասնակցել է Ղարաբաղում 9 ուղղությամբ մարտական գործողություններին, տվել ենք 74 զոհ, 113 վիրավոր և 2020-ից մինչև այսօր Երկրապահը գտնվում է Հայաստանի պետական սահմաններին, իր մարտական հերթապահություն է իրականացնում արդեն մեծ թվաքանակով, մոտ 7 ուղղությամբ էլ հիմա ենք պետական սահմանները պահում: Մեր գործը դա է եղել ի սկզբանե և լինելու է»:
