Վրաց ժողովուրդն ընտրեց եվրոպական ապագան․ Կոբախիձե

Վրաստանի վարչապետ Իրակլի Կոբախիձեի խոսքով, վրաց ժողովուրդն առանց այլընտրանքի մեկ ընտրություն կատարեց, նա ընտրեց խաղաղությունը և ընտրեց երկրի զարգացումը, երկրի լուսավոր, եվրոպական ապագան․ գրում է Վրաստանի առաջին ալիքը։

Կոբախիձեի խոսքով՝ ինքը շնորհակալություն է հայտնում յուրաքանչյուր մարդու, ով ներգրավված է եղել «Երազանքի» նախընտրական արշավում։

«Ուզում եմ եւս մեկ անգամ շնորհակալություն հայտնել վրաց ժողովրդին, ընտրողներին, վրաց հասարակությանը, որ այս տարիների ընթացքում վրաց ժողովուրդը մեր կողքին էր նույնիսկ ամենադժվար պահերին։ Ինչպես գիտեք, ընտրություններն առանձնահատուկ կարևոր պահ են ցանկացած երկրի կյանքում, և նույնիսկ այս կարևորագույն պահերին վրաց ժողովուրդը կանգնեց մեր կողքին և կատարեց միակ, այլընտրանքային ընտրությունը։ Ցանկանում եմ շնորհակալություն հայտնել յուրաքանչյուր մարդու, ով ներգրավված է եղել մեր նախընտրական քարոզարշավում, մեր նախընտրական շտաբները, 73 նախընտրական շտաբներ են ստեղծվել ամբողջ երկրում, շատ մարդիկ են ներգրավվել նախընտրական քարոզարշավին, քարոզչությանը, ընտրողների մոբիլիզացիային։ Առանձնահատուկ է նրանցից յուրաքանչյուրի ներդրումը մեր ընդհանուր հաղթանակում։ Ընդհանուր առմամբ ստացել ենք մոտ 1 մլն 120 հազար ձայն, ինչը ռեկորդային թիվ է 2012 թվականից ի վեր։ Մենք հանրությանը ասում էինք, որ դա հանրաքվեին հավասար ընտրություն է, և իր կարևորությամբ 2012 թվականի ընտրությունների նմանը: Այս ուղերձը հենց ընտրողներին է հասել, և դա կապված է խորհրդարանական ընտրությունների աննախադեպ մասնակցության հետ։ Հաղթանակը շատ տպավորիչ է»,- ասել է Իրակլի Կոբախիձեն։