04.06.2026 | 22:10
Հայկ Մարությանը հեռացավ բանավեճից` բացման խոսքից հետո և Փաշինյանին բանավեճի հրավիրեց. ՏԵՍԱՆՅՈՒԹ
Խնայելով մինչև 20,000 դոլար. մեկնարկել է ամենամեծ և մասշտաբային TOON EXPO 2024-ը Մերիդիան էքսպո կենտրոնում․ ՏԵՍԱՆՅՈՒԹ
25.10.2024 | 21:52
3-րդ տարին անընդմեջ և արդեն 4-րդ անգամ իր դռներն է բացում Հայաստանում անշարժ գույքի և կառուցապատման ոլորտի միջազգային ամենամեծ ցուցահանդեսը՝ TOON EXPО 2024-ը։ Տեղական և միջազգային ավելի քան 100 ընկերություններ իրենց առաջարկները ներկայացնելու են 3 օր՝ մինչև հոկտեմբերի 27-ը ներառյալ՝ Մերիդիան ցուցահանդեսային կենտրոնում։ Ցուցահանդեսի կազմակերպիչը «Բիգ փրոջեքթս» ընկերությունն է։
Ցուցահանդես-վաճառքի այցելուներն այս 3 օրերի ընթացքում հնարավորություն ունեն օգտվելու հատուկ առաջարկներից և ձեռք բերելու բնակարաններ հատուկ պայմաններով, իսկ մասնակից կազմակերպությունների համար գործում են B2B համագործակցության հատուկ պայմաններ։
Կառուցապատման ոլորտում արդեն 15 նախագիծ իրականացրած «ML Mining» ընկերությունն առաջին անգամ է մասնակցում TOON EXPO-ին և միանգամից՝ գլխավոր հովանավորի կարգավիճակով։ Ընկերության բոլոր առաջարկներին կարող եք ծանոթանալ՝ մոտենալով «ML Mining»-ի տաղավար և միայն TOON EXPO 2024-ի շրջանակում ձեռք բերել բնակարան հատուկ պայմաններով ու զեղչերով։
Այցելելով էքսպոյի հովանավոր «MR Majestic Residence» ընկերության տաղավար՝ կարող եք ձեռք բերել բնակարան Ծաղկաձորում և օգտվել եկամտահարկի վերադարձից՝ 12 տոկոս հիփոթեքային վարկով։ «Majestic Residence»-ում մեկ սենյականոց բնակարանների արժեքը սկսվում է 9,9 մլն ՀՀ դրամից, 1 քմ-ի արժեքը՝ 420,000 ՀՀ դրամ։ Majestic Residence-ում բոլորը կարող են գտնել իրենց սիրելի զբաղմունքը․ համալիրն ունի սպորտի համար նախատեսված տարածք, մեծ խաղահրապարակ, նաև ներքին բակային տարածք, ստորգետնյա ու բացօթյա ավտոկայանատեղեր։
«Zover Estates» կառուցապատող ընկերությունն առաջին անգամ է մասնակցում TOON EXPO 2024-ին՝ արդեն հաջողություն գրանցած ընկերության ներկայացուցիչների խորհրդով։ Վստահ են՝ էքսպոն այն հարթակն է, որի միջոցով կարող են ընկերությունը ճանաչելի դարձնել։ «Zover Estates»-ի տաղավարում կարող եք վերադառնալ մանկություն։
«Ալպիական բնակելի թաղամաս»-ի ներկայացուցիչները, տպավորված լինելով TOON EXPO-ի նախորդ տարվա արդյունքներից, այս տարի դարձյալ մասնակցում են ցուցահանդեսին։ Թաղամասը Դավթաշենում է՝ Արագածի և Արայի լեռան տեսարաններով ու ալպիական մաքուր օդով։ Ամբողջ համալիրն իրականացվելու է «Կայուն Զարգացման» սկզբունքների հիման վրա՝ ապահովելով շինությունների բարձր ջերմամեկուսացումը և էլեկտրաէներգիայի տնտեսումը։ «Ալպիական բնակելի թաղամասում» նախագծված են հարմարավետ բնակարաններ 45-127 քմ մակերեսով, և 12 հատ թաունհաուզներ՝ 133 քմ մակերեսով։
«Երբ շքեղությունը սահմաններ չունի»․ «Step by Step group»-ի մաս կազմող «Oasis Royal Villa Complex»-ը ներկայացված է էքսպոյի հատուկ գոտում։ Այն 30 Villa պարունակող բնակելի փակ թաղամաս է՝ Պռոշյան համայնքում։
Էքսպոյի մասնակից «Mitq Design»-ն առաջարկում է ինտերիերի դիզայնի ծառայություններ, բնակելի և կոմերցիոն դիզայն, շինարարության կառավարում, ճարտարապետական հսկողություն, ճարտարապետական դիզայնի խորհրդատվություն և տարածքի վերակառուցում: «Mitq design»-ի առաքելությունն է՝ խնայել ժամանակ, օպտիմալացնել հաճախորդի ծախսերը և ստեղծել անհատական ոճով տարածք:
TOON EXPO 2024-ի հիմնական գործընկերը «Red Invest Group»-ն է։ Էքսպոյին զուգահեռ՝ ընթանալու է Armenian Real Estate Globalization Summit-ը, լինելու են թեմատիկ հանդիպումներ, խաղարկություններ, և երեխաների համար առանձնացված տարածքներ։ Հայաստանում անշարժ գույքի և կառուցապատման ոլորտի միջազգային ամենամեծ ցուցահանդեսի մուտքն անվճար է։ Մերիդիան ցուցահանդեսային կենտրոն կարող եք հասնել Հանրապետության հրապարակից՝ անվճար ավտոբուսներով։
Մանրամասները՝ տեսանյութում։
Արփի Հակոբյան
